Mogensen, Edwald og Jón Múli á mál­verka­sýningu

Landsbankinn flutti höfuðstöðvar sínar í Austurhöfn og seldi hús sitt við Austurstræti 11 í fyrra. Þróunarfélagið Landsbyggð keypti húsnæðið auk þriggja húsa bankans við Hafnarstræti með það markmiði að gera þau að lifandi hluta af borginni á ný.

Sjá einnig: Sigurður Sævar fyllti Landsbankahúsið

Myndlistarmaðurinn Sigurður Sævar Magnússon fyllti gamla Landsbankahúsið í desember síðastliðnum þegar hann hélt sýningu þar og varð sýningin Sindra Dýrasyni innblástur að samsýningu fimm listamanna. Úr varð málverkasýning með fjórum öðrum listamönnum.

Anna Ólöf Jansdóttir vinnur með olíumálverk sem sýna heim hulduvera og líf ungra elskhuga í íslenskri sveit; Jón Múli hefur verið virkur í tónlistarsenunni frá 2017 og býr til dularfulla og draumkennda myndlist; Jón Sæmundur vinnur innsetningar þar sem tvinnast saman málverk, skúlptúr, myndbandsverk og tónlist; Narfi Þorsteinsson vinnur mikið með fundna hluti og tæknilegar aðferðir við teikningu og list Sindra Dýrasonar snýst fyrst og fremst um að mála, hvort sem það er á striga eða úti.

Á sýningunni mátti sjá málverk þeirra fimm og mætti fjöldi góðra gesta eins og sjá má hér að neðan: