Sport

Sænsku konurnar sigursælustu konur Ólympíu­leikanna

Óskar Ófeigur Jónsson skrifar
Sænski skíðagöngukonurnar Linn Svahn, Ebba Andersson, Frida Karlsson og Jonna Sundling áttu stóran þátt í velgengni sænskra kvenna á Ólympíuleikunum.
Sænski skíðagöngukonurnar Linn Svahn, Ebba Andersson, Frida Karlsson og Jonna Sundling áttu stóran þátt í velgengni sænskra kvenna á Ólympíuleikunum. Getty/Alex Pantling

Norðmenn unnu vissulega langflest verðlaun á Vetrarólympíuleikunum í Mílanó og Cortina en það voru norsku karlarnir sem héldu upp verðlaunasöfnun Noregs. Þetta kemur vel í ljós þegar bara eru skoðuð verðlaun kvenfólksins á leikunum.

Svíþjóð endaði kannski bara í áttunda sæti á heildarverðlaunalistanum en það voru sænsku konurnar sem voru sigursælustu konur Vetrarólympíuleikanna í ár.

Sænsku konurnar unnu fimmtán verðlaun, þar af sex gullverðlaun og sex silfurverðlaun.

Sænsku konurnar unnu jafnmörg gull og hollensku, bandarísku og ítölsku konurnar en voru ofar á lista vegna fleiri heiðursverðlauna.

Sænsku karlarnir unnu aðeins þrenn verðlaun og því unnu sænsku konurnar 83 prósent verðlauna þjóðar sinnar í ár.

  • Sænskar konur sem unnu gullverðlaun
  • Frida Karlsson – skíðaskiptiganga og 10 km frjáls aðferð
  • Linn Svahn – sprettganga, klassísk aðferð
  • Maja Dahlqvist & Jonna Sundling – liðasprettganga
  • Ebba Andersson – 50 km klassísk aðferð
  • Isabella & Rasmus Wranå – krulla, tvenndarleikur
  • Lið Hasselborg – krulla kvenna
  • Sænskar konur sem unnu silfurverðlaun
  • Ebba Andersson – skíðaskiptiganga og 10 km frjáls aðferð
  • Boðganga kvenna – Linn, Ebba, Frida, Jonna
  • Jonna Sundling – sprettganga, klassísk aðferð
  • Sara Hector – stórsvig
  • Boðganga kvenna í skíðaskotfimi – Linn, Anna, Elvira, Hanna
  • Sænskar konur sem unnu bronsverðlaun
  • Sandra Näslund – skíðakross
  • Anna Swenn Larsson – svig
  • Maja Dahlqvist - sprettganga, klassísk aðferð
Vetrarólympíuleikar 2026 í Mílanó og Cortina

Mest lesið


Fleiri fréttir

Sjá meira


×

Mest lesið