Innlent

Til­kynnt um mann með sverð

Eiður Þór Árnason skrifar
Lögreglan hefur sinnt fjölda mála í dag.
Lögreglan hefur sinnt fjölda mála í dag. Vísir/vilhelm

Lögreglu var í dag tilkynnt um mann með sverð og var hann sagður „talsvert æstur“ þar sem hann sótti sér þjónustu á ónefndum stað á höfuðborgarsvæðinu. Sverðið reyndist vera eftirlíking en þegar laganna verðir komu á staðinn var maðurinn gangandi á miðri akbraut og sveiflaði því, að sögn lögreglu.

Hann hafi í kjölfarið verið yfirbugaður og handtekinn. Maðurinn er sagður illa viðræðuhæfur sökum vímuástands og verið vistaður í fangaklefa þar til hægt er að taka af honum skýrslu.

Þetta kemur fram í tilkynningu frá lögreglunni á höfuðborgarsvæðinu en málið kom inn á borð lögreglustöðvar eitt sem sinnir Austurbæ, Vesturbæ og miðbæ Reykjavíkur auk Seltjarnarness.

Sama lögreglustöð var kölluð til vegna slagsmála tveggja manna. Báðir einstaklingar eru sagðir vera með talsverða áverka eftir hvern annan. Voru þeir handteknir og vistaðir í þágu rannsóknar málsins, að sögn lögreglu.

Fréttin er í vinnslu.

Mest lesið


Fleiri fréttir

Sjá meira


×

Mest lesið