Stuðnings­maður aldarinnar fékk silfurmerki ÍR

Breiðsholtafélagið kann líka að meta þetta fólk og einn af þeim fagnar þrítugsafmæli sínu í dag.

Sævar Þór Gunnlaugsson á stórafmæli og félagið heiðrar hann á miðlum sínum í dag.

„Stuðningsmaður aldarinnar er þrítugur í dag! Okkar allra besti Sævar Þór Gunnlaugsson fagnar stórafmæli en hann er 30 ára í dag. Sævar er, eins og allir ÍR-ingar vita, okkar allra besti stuðningsmaður og styður meistaraflokksliðin okkar í gegnum súrt og sætt,“ segir í frétt á miðlum ÍR.

Þar kemur líka fram að Sævar var sæmdur silfurmerki ÍR af formanni aðalstjórnar, Vigfúsi Þorsteinssyni, í tilefni af þessum tímamótum.

„Það var heldur betur verðskuldað þar sem Sævar hefur verið handknattleiksdeildinni ómetanlegur í áraraðir,“ segir í fyrrnefndri frétt eins og sjá má hér fyrir neðan.