Handbolti

Ágúst úr Kórnum í Krikann

Ingvi Þór Sæmundsson skrifar
Ágúst Guðmundsson skoraði næstflest mörk leikmanna HK í Olís-deildinni á tímabilinu.
Ágúst Guðmundsson skoraði næstflest mörk leikmanna HK í Olís-deildinni á tímabilinu. vísir/vilhelm

Handboltamaðurinn Ágúst Guðmundsson mun spila með FH frá og með næsta tímabili. Hann kemur til Hafnarfjarðarliðsins frá HK sem hann hefur leikið með allan sinn feril til þessa.

Í samtali við Handkastið staðfesti Ágúst að hann hefði skrifað undir þriggja ára samning við FH.

Ágúst lék sinn síðasta leik fyrir HK, allavega í bili, þegar liðið tapaði fyrir Val, 28-32, í átta liða úrslitum Olís-deildarinnar í gær. HK-ingar eru komnir í sumarfrí en þeir töpuðu einvíginu, 2-0.

Ágúst skoraði sex mörk í leiknum í Kórnum í gær og átta mörk í fyrri leiknum gegn Val á Hlíðarenda á miðvikudaginn.

Ágúst lék alla 22 leiki HK í Olís-deildinni og skoraði 113 mörk. HK-ingar enduðu í 8. sæti annað árið í röð.

Verðandi samherjar Ágústar í FH sækja Íslandsmeistara Fram heim í öðrum leik liðanna í átta liða úrslitum klukkan 19:30 í kvöld. FH-ingar unnu Framara á fimmtudaginn, 28-26, og geta því tryggt sér sæti í undanúrslitum með sigri í kvöld. 

Olís-deild karla HK FH

Mest lesið


Fleiri fréttir

Sjá meira


×

Mest lesið