Körfubolti

Tryggvi og fé­lagar í fínni stöðu fyrir seinni leikinn

Ágúst Orri Arnarson skrifar
Tryggvi Hlinason gæti orðið Evrópubikarmeistari annað árið í röð. 
Tryggvi Hlinason gæti orðið Evrópubikarmeistari annað árið í röð.  Walter Cunha/NurPhoto via Getty Images

Tryggvi Snær Hlinason fagnaði 81-98 sigri með Bilbao Basket á útivelli gegn ungverska liðinu KC-Szombathely í undanúrslitaeinvígi Evrópubikarsins í körfubolta. Bilbæingar eru því með sautján stiga forystu fyrir seinni leikinn í Baskalandi.

Bilbao Basket er ríkjandi Evrópubikarmeistari og stefnir hraðbyri að öðrum titli en seinni leikur undanúrslitanna fer fram eftir viku. Hinumegin er PAOK sex stigum yfir gegn UCAM Murcia.

Tryggvi skoraði 8 stig, greip 5 fráköst og gaf 2 stoðsendingar í sigrinum í Ungverjalandi í dag.

Gestirnir frá Bilbao voru með yfirtökin allan leikinn og voru með unninn leik í höndunum þegar fjórði leikhlutinn hófst.

Bandaríkjamaðurinn Darrun Hilliard og Litáinn Margiris Normantas voru stigahæstir hjá Bilbao með 18 stig en hinn ungverski Zoltan Perl leiddi stigasöfnun heimamanna með 22 stig.

Spænski körfuboltinn

Mest lesið


Fleiri fréttir

Sjá meira


×

Mest lesið