Rúta valt á Kjalar­nesi

Stefán Kristinsson, varðstjóri hjá slökkviliðinu á höfuðborgarsvæðinu, greinir frá þessu í samtali við Vísi. Þrír hafi verið í rútunni og þar af tveir fluttir til skoðunar. 

Slökkvilið er farið af vettvangi og Stefán varðstjóri segir að ekki verði hreyft við rútunni frekar fyrr en veður leyfir.

Fréttavakt Vísis: Austanbylur annan í páskum

Opnað var aftur fyrir Kjalarnesveg í kringum klukkan 13 í dag eftir að henni var lokað vegna ófærðar þar sem austanstormur skekur nú landið. Gul viðvörun er í gildi á höfuðborgarsvæðinu og appelsínugul viðvörun í gildi í Faxaflóa.

Vegir um Hellisheiði, Þrengsli, Holtavörðuheiði eru lokaðir. Hringvegur frá Markarfljóti að Öræfasveit er einnig lokaður.

Fréttin hefur verið uppfærð.