Handbolti

Stórleikur Kristjáns dugði skammt

Valur Páll Eiríksson skrifar
Donni setti ellefu slummur í kvöld en hans menn eru úr leik í Evrópu þetta árið.
Donni setti ellefu slummur í kvöld en hans menn eru úr leik í Evrópu þetta árið. Vísir/Vilhelm

Kristján Örn Kristjánsson, Donni, var markahæstur í liði AGF sem féll úr keppni í Evrópudeildinni í handbolta í kvöld eftir jafntefli við þýska stórliðið Flensburg.

Flensburg hafði unnið fyrri leik liðanna í Danmörku með sex marka mun, 38-32, og ljóst að stórkostlega endurkomu þyrfti að hendi þeirra dönsku í Þýskalandi í kvöld.

Leikurinn var í járnum stóran part og Kristján Örn, Donni, var heldur hægur af stað. Hann raðaði hins vegar inn mörkum eftir hléið en skemmst er frá því að segja að AGF var aldrei nærri því að gera einvígið spennandi.

Leiknum lauk með 33-33 jafntefli þar sem Donni þriðjung marka AGF, ellefu talsins.

Einvígið fór því 71-65 fyrir Flensburg sem fer áfram í næstu umferð.

Evrópudeild karla í handbolta

Mest lesið


Fleiri fréttir

Sjá meira


×

Mest lesið