Magdeburg aftur á sigurbraut eftir erfiða bikarhelgi

Magdeburg tapaði fyrir Bergischer, 31-30, í undanúrslitum þýsku bikarkeppninnar um síðustu helgi og svo fyrir Lemgo, 35-31, í leiknum um 3. sætið.

Magdeburg hristi af sér vonbrigðin í dag og vann fjögurra marka sigur á Stuttgart sem er um miðja deild. 

Gísli Þorgeir Kristjánsson skoraði fimm mörk fyrir Magdeburg, Elvar Örn Jónsson þrjú og Ómar Ingi Magnússon eitt.

Albin Lagergren var markahæstur hjá Magdeburg með sex mörk. Liðið er með sjö stiga forskot á Flensburg á toppi deildarinnar.

Bergischer, sem Arnór Þór Gunnarsson þjálfar, laut í lægra haldi fyrir Wetzlar sem þjálfað er af Rúnari Sigtryggssyni, 33-29. Bergsicher er í 15. sæti deildarinnar með fimmtán stig, þremur stigum frá fallsæti þegar fimm umferðum er ólokið en með sigrinum lyftir Wetzlar sér upp úr fallsæti.