Handbolti

Katrín Tinna til Dan­merkur

Ingvi Þór Sæmundsson skrifar
Katrín Tinna Jensdóttir leikur á línunni og er sterkur varnarmaður.
Katrín Tinna Jensdóttir leikur á línunni og er sterkur varnarmaður. vísir/anton

Landsliðskonan í handbolta, Katrín Tinna Jensdóttir, hefur samið við danska úrvalsdeildarliðið HH Elite. Hún hefur leikið með ÍR undanfarin tvö og hálft tímabil.

Katrín gekk í raðir ÍR frá Skara í Svíþjóð í janúar 2024. Hún er uppalin hjá Fylki en lék með Stjörnunni áður en hún fór til Volda í Noregi 2021.

Hin 23 ára Katrín skoraði 71 mark fyrir ÍR í Olís-deildinni. ÍR-ingar enduðu í 4. sæti hennar. Í einvíginu gegn Fram í átta liða úrslitum, sem ÍR tapaði, 2-0, skoraði Katrín fimm mörk.

Katrín hefur leikið með íslenska landsliðinu á þremur stórmótum: HM 2023 og 2025 og EM 2024.

HH Elite endaði í 7. sæti dönsku úrvalsdeildarinnar og svo í neðsta sæti í sínum riðli í úrslitakeppninni.

Olís-deild kvenna ÍR Danski handboltinn

Mest lesið


Fleiri fréttir

Sjá meira


×

Mest lesið