Sval­barðs­strandar­hreppur fyrstur til að birta loka­tölur

H-listi Strandar til framtíðar og Ö-listi Ströndungs fengu báðir tvo menn kjörna og S-listi Samstöðu einn.

Í tilkynningu sem birt er á vef sveitarfélagsins, sem er í austanverðum Eyjafirði, segir að búið sé að telja öll atkvæði í Svalbarðsstrandarhreppi og birta niðurstöður. Við sveitarstjórnarkosningarnar voru 377 á kjörskrá.

295 greiddu atkvæði eða 78,2 % kosningaþáttaka, af þeim voru 4 auðir og 3 ógildir.

Atkvæðin skiptust þannig:

• H-listi Strönd til framtíðar fékk 100 atkvæði og 2 menn kjörna
• S-listi Samstöðu fékk 67 atkvæði og 1 mann kjörinn
• Ö-listi Ströndungs fékk 121 atkvæði og 2 menn kjörna

Í nýrri sveitarstjórn eiga því sæti:

• Bjarni Þór Guðmundsson Ö-listi
• Ólafur Rúnar Ólafsson H-listi
• Sigríður Ingibjörg Stefánsdóttir S-listi
• Árný Þóra Ágústsdóttir Ö-listi
• Gréta María Halldórsdóttir H-listi