Arnar og Reynir spila við Kiel um titilinn

Melsungen mætir því Kiel í þýskum slag um Evrópudeildarmeistaratitilinn á morgun í Barclays Arena í Hamburg, þar sem undanúrslitin fóru fram í dag.

Arnar Freyr gæti því kvatt Melsungen með stórum titli áður en hann söðlar um í sumar en hann er einmitt á leiðinni til Flensburg í sumar.

Þessi þrítugi landsliðslínumaður skoraði tvö mörk í dag og Reynir skoraði eitt mark. Reynir, sem er tvítugur, gæti unnið titil á sinni fyrstu leiktíð í atvinnumennsku eftir að hafa farið til Melsungen sem Íslands- og bikarmeistari með Fram í fyrra.

Kiel komst í úrslitaleikinn með því að vinna Montpellier frá Frakklandi fyrr í dag, 29-28.