Markakóngurinn endaði tíma­bilið með látum

Leikurinn skipti ekki máli upp á stöðutöfluna að gera, Fuchse Berlin var fast í 2. sætinu og Flensburg var búið að tryggja sér 3. sætið.

Mesta eftirvæntingin var fyrir fyrsta marki Gidsel en með því rauf hann þrjú hundruð marka múrinn á tímabilinu. Gidsel gerði líka gott betur en það og skoraði á endanum heil 18 mörk.

Þetta er í fyrsta sinn sem Gidsel er krýndur markakóngur í Þýskalandi. Titillinn er verðskuldaður því Daninn skoraði tæplega sjötíu mörkum meira en næsti maður á listanum, Kai Hafner.

Í heildina skoraði Gidsel 317 mörk á tímabilinu. Hann er sá fyrsti til að skora meira en þrjú hundruð mörk án þess að taka víti.

Markametið er þó einn í eigu Kyung-Shin Yoon, sem skoraði 324 mörk fyrir Gummersbach tímabilið 2000-01, mörg þeirra úr vítaskotum.

Gidsel hefur aldrei skorað jafn mörg mörk í einum og sama leiknum. Það met er þó í eigu Stefans Schroder, sem skoraði eitt sinn 21 mark í leik með HSV.