Sofandi á ak­braut

85 mál voru skráð í kerfi lögreglunnar í dag og voru tveir vistaðir í fangageymslu nú síðdegis samkvæmt dagbók lögreglu. 

Meðal tilkynninga var umferðarslys þar sem léttbifhjóli var ekið á bíl. Ökumaður léttbifhjólsins flúði vettvang og er málið í rannsókn. 

Önnur tilkynning barst lögreglunni í öðrum hluta borgarinnar um umferðarslys en þar var ekið á tvo bíla. Ökumaðurinn var handtekinn, grunaður um að aka undir áhrifum ávana- og fíkniefna auk þess sem hann er grunaður um að hafa valdið  umferðarslysi í öðru máli fyrr um daginn og ekið frá vettvangi.

Tvívegis var óskað aðstoðar lögreglu vegna líkamsárásar og eru bæði málin einnig í rannsókn.

Þó nokkrir ökumenn voru stöðvaðir við almennt umferðareftirlit og reyndust vera án ökuréttinda. Einn þeirra var kærður fyrir að aka gegn rauðu ljósi og þrír virtust aka undir áhrifum ávana- og fíkniefna.