Leik Frakk­lands á HM í kvöld gæti verið frestað

Veðrið heldur áfram að skapa vandræði í heimsmeistarakeppninni í fótbolta. 

Að morgni laugardags að staðartíma í Ameríku, það er að segja síðdegis á laugardag á Íslandi, sendi Alþjóðaknattspyrnusambandið, FIFA, út viðvörun um að sextán liða úrslitaleik Paragvæ og Frakklands í Fíladelfíu gæti verið frestað.

Veðurstofan spáir á bilinu 36 til 38°C hita, en hitatilfinning gæti farið upp í 41°C, og búast má við „hættu á skúrum og þrumuveðri“.

Leikurinn átti upphaflega að hefjast kl. 21:00 að íslenskum tíma í kvöld.

Í yfirlýsingu frá Alþjóðaknattspyrnusambandinu kemur fram að mikil hætta sé á að leiknum seinki og að fylgst sé náið með framvindunni.