Jón Axel spilar á Kanarí­eyjum

Jón Axel mun því spila í næstefstu deild Spánar eftir að hafa spilað þar með San Pablo Burgos sem hann fór með upp í efstu deild fyrir rúmu ári. Hann var áður hjá Lucentum Alicante.

Þjálfarinn Bruno Savignani stýrði Jóni Axel hjá San Pablo Burgos og þeir sameina nú krafta sína að nýju, eftir að hafa komið því liði upp úr næstefstu deildinni með því að vinna 32 af 34 leikjum. Jón Axel skoraði svo að meðaltali 4,7 stig í leik í ACB-deildinni í vetur, átti 3,2 stoðsendingar og tók 2,2 fráköst, og spilaði að meðaltali 20 mínútur í leik.

Jón Axel, sem átti stórleik fyrir Ísland í gær þegar liðið vann frábæran endurkomusigur gegn Bretlandi og komst inn á lokastig undankeppni HM, hefur einnig spilað á Ítalíu og í Þýskalandi á sínum atvinnumannsferli.

Þessum 29 ára Grindvíkingi er ætlað að hjálpa Gran Canaria að snúa aftur upp í efstu deild eftir að hafa fallið þaðan í vor með sárgrætilegum hætti. Liðið endaði jafnt Andorra og Zaragoza en fyrir neðan þau vegna innbyrðis úrslita, í næstneðsta sæti ACB-deildarinnar. Tvö neðstu liðin féllu.