Í­búar Flóahrepps vilja ekki sam­einast öðrum

Þetta kom fram í könnun sem var lögð fyrir íbúa sam­hliða sveitar­stjórnar­kosningunum í maí. 99 pró­sent af þeim sem kusu í sveitar­stjórnar­kosningum á kjör­stað tóku þátt í íbúakönnuninni. Alls bárust 449 svör, þar af voru 432 gild og 17 auð eða ógild.

308 íbúar, eða 71,3 pró­sent, sögðu nei við spurningu um hvort skoða ætti sam­einingu sveitarfélaga frekar. Já sögðu 124, eða 28,7 pró­sent.

Í íbúakönnuninni var jafn­framt spurt hvaða sveitarfélögum eða svæði þeir vildu helst snúa sér til varðandi sam­einingu ef til sam­einingar kæmi. Þar gátu þeir bæði valið fyrsta og annað val, en eftir­farandi tölur sýna saman­tekin stig úr þeim báðum:

• Skeiða- og Gnúp­verja­hreppur (189)
• Ása­hreppur (171)
• Sveitarfélagið Ár­borg (148)
• Upp­sveitir Ár­nessýslu (106)
• Öll Ár­nessýsla (104)
• Vestur­svæði Ár­nessýslu (Ár­borg, Ölfus og Hvera­gerði) (59)

„Niður­stöðurnar sýna skýrt að meiri­hluti íbúa Flóa­hrepps vill ekki fara í sam­einingar­viðræður að svo stöddu og vilja íbúar að Flóa­hreppur verði áfram sjálf­stætt sveitarfélag. Niður­stöðurnar gefa sveitar­stjórn mikilvæga og gagn­lega innsýn í viðhorf íbúa og gefa skýra mynd af þeim sveitarfélögum sem helst kæmu til greina ef slíkar um­ræður yrðu teknar upp síðar,“ segir í bókun sveitar­stjórnarinnar.