Hitnar í kolunum: Já og nei í Pallborði

Baráttan fyrir þjóðaratkvæðagreiðsluna 29. ágúst er komin á fullt og skoðanakannanir benda til þess að mjótt geti orðið á mununum milli fylkinganna.

Í Pallborðinu á Vísi mætast forsvarsfólk fjögurra hreyfinga sem berjast fyrir ólíkri niðurstöðu. Fyrir já-hliðina sitja Snærós Sindradóttir, framkvæmdastjóri Evrópuhreyfingarinnar, og Gréta María Grétarsdóttir, stjórnarkona í Já til að sjá. Fyrir nei-hliðina sitja Erna Bjarnadóttir, stjórnarkona í Heimsýn, og Júlíus Viggó Ólafsson frá Áfram Íslandi.

Pallborðið er búið en hægt er að horfa á upptöku af því í spilaranum hér að neðan:

Rætt var um hvað raunverulega sé undir í kosningunum, fjármögnun hreyfinganna og gagnsæi í kosningabaráttunni, kostnað við mögulegar aðildarviðræður og hvaða sérlausnir Ísland þyrfti að fá.

Þá var tekist á um stóru álitamálin: fullveldi og EES-samninginn, sjávarútveg og landbúnað, krónuna og evruna og hvort meiri áhætta felist í því að hefja viðræður — eða að loka þeim möguleika.

Getur Ísland fengið ásættanlegan samning við Evrópusambandið? Er þjóðinni treystandi til að hafna honum síðar ef niðurstaðan verður óásættanleg? Og hvað tekur við verði svarið nei?