Erlent

Hand­tekinn fyrir annan glæp en ekki vegna hvarfs Anne-Elisabeth

Samúel Karl Ólason skrifar
Norska lögreglan byrjaði að ganga út frá því að Anne-Elisabeth hafi verið myrt stuttu eftir hvarf hennar, þrátt fyrir skilaboð meintra mannræningja þess efnis að hún væri á lífi.
Norska lögreglan byrjaði að ganga út frá því að Anne-Elisabeth hafi verið myrt stuttu eftir hvarf hennar, þrátt fyrir skilaboð meintra mannræningja þess efnis að hún væri á lífi. Norska lögreglan

Lögreglan í Svíþjóð hefur handtekið norskan mann sem er talinn tengjast hvarfi Anne Elisabeth Hagen. Hún, ein ríkasta kona Noregs, hvarf sporlaust af heimili sínu í Lørenskógi í nágrenni Óslóar árið 2018. Maðurinn var þó ekki handtekinn vegna þessa máls heldur vegna gruns um umfangsmikil fíkniefnabrot.

Hann verður fluttur til Noregs á næstu dögum, samkvæmt norska ríkisútvarpinu, og stendur þá til að yfirheyra hann vegna hvarfs Anne Elisabeth Hagen.

Maðurinn mun hafa verið handtekinn í Gautaborg á þriðjudaginn. Hann er sagður með sögu glæpa á bakinu.

Í samtali við NRK segir lögmaður mannsins að hún hafi ekki fengið upplýsingar um að handtakan tengist hvarfi Anne Elisabeth Hagen. Hún bendir á að maðurinn hafi lengi neitað sök í því máli en hann er með stöðu sakbornings í því.

Sjá einnig: Norskur maður grunaður í máli Anne Elisabeth Hagen

Eins og áður segir hvarf Anne Elisabeth Hagen árið 2018. Það var þó ekki tilkynnt fyrr en í janúar 2019, tíu vikum eftir að hún hvarf frá heimili sínu við Sloraveien á Fjellhamar í Lørenskog. Hún var gift milljarðamæringnum Tom Hagen, sem var handtekinn og ákærður fyrir morð árið 2020.

Ákæran var þó felld niður árið 2024 og hann hreinsaður af sök.

Noregur Svíþjóð Anne-Elisabeth Hagen

Tengdar fréttir

Auð­kýfingurinn ekki lengur grunaður um dauða eigin­konunnar

Saksóknarar í Noregi hafa fellt niður rannsókn á Tom Hagen, auðkýfingi, sem var sakaður um að myrða eiginkonu sína, Anne-Elisabeth Hagen. Engar sannanir hafi komið fram um að Hagen hafi borið ábyrgð á hvarfi hennar fyrir sex árum.

Mest lesið


Fleiri fréttir

Sjá meira


×

Mest lesið