Rúnar Alex fékk á sig fjögur þegar FCK tapaði fyrsta deildarleiknum

Viborg komst yfir strax á upphafsmínútunni þegar Birger Meling skoraði sjálfsmark.

Dorian Hanza skoraði annað mark Viborg á 8. mínútu og átta mínútum síðar gerði Asker Beck þriðja mark heimamanna sem gátu ekki beðið um betri byrjun á leiknum.

Charly Horneman skoraði fjórða mark Viborg á 68. mínútu. Fimm mínútum áður hafði Viktor Bjarki komið inn á sem varamaður hjá FCK.

Hann sneri aftur eftir meiðsli í Evrópuleik gegn Inter Turku á fimmtudaginn og fékk svo tæpan hálftíma í leiknum í dag.

FCK hafði unnið fyrstu þrjá deildarleiki sína á tímabilinu en mátti þola sitt fyrsta tap á tímabilinu í dag. Liðið er í 5. sæti með níu stig eftir fjóra leiki. Viborg er á toppnum með tíu stig eftir fimm leiki.