Raf­magns­laust var í Reykja­vík og Mos­fells­bæ

Landsnet segir að spennir í tengivirkinu Korpu hafi leyst út með áðurnefndum afleiðinum. Silja Ingólfsdóttir, upplýsingafulltrúi Veitna, segir að nánar verði rýnt í orsök bilunarinnar í framhaldinu. 

Rafmagnstruflunin gat haft áhrif á fjarskipti og afhendingu á heitu vatni í efri byggðum þar sem vatni er dælt upp. Fréttastofu bárust ábendingar um truflanir á netsambandi um farsímakerfi á níunda tímanum. 

Handboltinn í basli

Rafmagnsleysið hafði meðal annars áhrif á starfsemi verslunar Krónunnar í Mosfellsbæ og fólk sem fylgdist með leik Liverpool og Ipswich í ensku úrvalsdeildinni í Egilshöll. 

Þá var leikur Aftureldingar og Víkings í 1. umferð Olís-deildar karla í handbolta í gangi í íþróttahúsinu að Varmá þegar ljósin slokknuðu skyndilega.

Fréttin hefur verið uppfærð.