Á­fram í bikarnum eftir Íslendingaslag

Mikael Egill hefur byrjað alla leiki Genoa í ítölsku A-deildinni til þessa en var hvíldur í bikarleik dagsins á Luigi Ferraris-vellinum í Genoa.

Heimamenn voru töluvert sterkari aðilinn gegn Südtirol sem hefur farið vel af stað í B-deildinni og situr í 3. sæti. Bjarki Steinn Bjarkason hefur einnig byrjað alla leiki með sínu liði Südtirol hingað til en kom inn af bekknum til að spila síðustu átta mínúturnar í dag.

Mexíkóski varnarmaðurinn Johan Vásquez skoraði eina mark leiksins fyrir Genoa á 87. mínútu og skaut liðinu þar með áfram í 16-liða úrslit.

Þar bíður strembið verkefni er Genoa mætir ríkjandi bikarmeisturum Inter Milan á Giuseppe Meazza-vellinum í desember.