Verð­launa­fé fyrir karla og konur í tennis verði það sama

Flest mót innan mótaraðarinnar voru nú þegar með jafnhátt verðlaunafé fyrir konur og karla en nú hafa þau þrjú mót sem voru eftir ákveðið að jafna verðlaunaféð. Árið 2023 lofaði opna ítalska mótið að vera með jafnhátt verðlaunafé árið 2025 en náði ekki að fylgja því eftir. Á næsta ári verður þó sagan önnur og mun verðlaunafé vera hið sama fyrir bæði kyn.

Valerie Camillo, stjórnarmaður tennissambands kvenna (WTA), segir það vera gríðarlega mikilvægt að hafa náð markmiðinu að verðlaunafé sé það sama fyrir karla og konur. Þetta er frábært fordæmi fyrir aðrar íþróttir þar sem jafnrétti kynjanna skín í gegn og sýnir hvað keppnin getur verið hörð sama af hvaða kyni hver einstaklingur er.

Einnig verða breytingar á keppnum á mótaröðinni fyrir neðan til þess að auka sveigjanleika fyrir keppendur. Leikmenn hafa kvartað mikið undan álagi síðustu ár og hafa tvær stærstu stjörnur tennisheimsins, Carlos Alcaraz og Jannik Sinner, mikið verið frá vegna meiðsla.

Með breytingunum eru mótaraðirnar að sýna að þær séu að hlusta á raddir leikmanna og að verið sé að koma til móts við þá. Þeir eru jú mikilvægir fyrir mótin því án keppenda verða engin mót.