UEFA gefur Infantino loka­frest til að af­henta lykilskjöl

Þetta kemur fram í bréfi frá Theodore Theodoridis, framkvæmdastjóra UEFA, sem breska ríkisútvarpið hefur fengið aðgang að.

Í bréfinu skrifar Theodoridis að forysta FIFA hafi enn ekki svarað nokkrum grundvallarspurningum varðandi verkefnið sem var slegið af, en því var ætlað að veita einkafjárfestum viðskiptalegt hlutverk, meðal annars á komandi heimsmeistaramótum í knattspyrnu.

Nú fer UEFA fram á að verkinu verði hraðað og einfaldri synjun um að birta umrædd gögn verður ekki tekið umyrðalaust.

„Sérhverja synjun um að afhenda upplýsingar eða skjöl ber að rökstyðja sérstaklega með skýrri útlistun á þeim tiltekna grundvelli sem byggt er á,“ segir enn fremur í bréfinu samkvæmt BBC.

UEFA á einnig að hafa sent átta blaðsíðna skjal til æðstu stjórnenda FIFA. Þar er bent á fjölda áhyggjuefna, meðal annars varðandi fjárfestaáætlanirnar, hina umdeildu veitingu friðarverðlauna Donalds Trump Bandaríkjaforseta í desember í fyrra og Balogun-málið í úrslitakeppni HM í sumar.