Þjálfun NATO á Írökum samþykkt

Tillagan um að Atlantshafsbandalagið veiti írökskum hermönnum þjálfun var samþykkt á leiðtogafundi bandalagsins í Istanbúl í morgun. Þetta er haft eftir talsmanni NATO, James Appathurai. Ágreiningur er þó enn milli Bandaríkjanna og annarra NATO-ríkja um það hversu viðamikil þátttaka bandalagsins í þessari þjálfun verður og hvorki Frakkar né Þjóðverjar ætla að senda hermenn til Íraks. Þeir vilja heldur taka þátt í að þjálfa írakska hermenn annars staðar.