Tíu bæjarfélög tengd

Síminn og Skjár einn eru að hefja hringferð um landið með það fyrir augum að "færa íbúum tíu bæjarfélaga á landsbyggðinni Skjá einn og enska boltann," eins og segir í tilkynningu. Ferðin hefst í Bolungarvík þar sem boðað verður til fjölskylduhátíðar í félagsheimilinu Víkurbæ klukkan fimm í dag. Síminn kynnir þjónustu sína og Skjár einn vetrardagskrána. Á morgun verður svo fjölskylduhátíð á Patreksfirði. Í stað þráðlausrar dreifingar verður sjónvarpsmerkið flutt um símalínur með hjálp ADSL-tengingar og viðskiptavinir eiga að geta horft á sjónvarpið samtímis því að vafra á netinu.