Með netvafra fyrir flugvélar

Norska vafra­fyrir­tækið Opera kynnti í gær sam­starf við raftækja­fram­leið­andann Thales um að Opera vafrinn verði hluti af TopSeries skemmtikerfi Thales fyrir flugvélar. Þannig eiga flugfarþegar véla sem nota TopSeries innan tíðar að geta vafrað um Internetið á ferðum sínum, en kerfið er sagt passa í flestar gerðir Boeing og Airbus farþegavéla.

Vafri Opera er sagður henta vel í alþjóðaumhverfi milli­landaflugsins því hann er í boði á fjölda tungumála, þar á meðal arabísku. Christen Krogh, vara­forseti hönnunardeildar Opera, fagnar áfanganum og spári því að vafrinn eigi eftir mikla útbreiðslu á jaðartækjum og sérsniðnum skjám, enda sé hann hannaður með smáskjái og fjölda stýrikerfa í huga.