Frjálslyndir fagna flugvelli

Borgarstjórnarflokkur F-listans fagnar umræðunni sem nú á sér stað um flugvallarmál á höfuðborgarsvæðinu. Frjálslyndir telja það grundvallaratriði fyrir samgöngu og öryggismál höfuðborgarsvæðisins og landsins alls að flugvöllur sé í hæfilegri nálægð við þær stofnanir og mannafla sem geta brugðist við neyðarástandi. Í tilkynningu frá Frjálslyndum segir að ef flutningur flugbrauta úr Vatnsmýri yfir í Skerjafjörð sé möguleg án þess að nokkuð dragist úr flugöryggi, sé ávinningur slíks tilflutnings augljós.