Sært stolt

Nýtt leikskólaráð tekur til starfa hjá Reykjavíkurborg þann 15. september næstkomandi samkvæmt tillögu sem samþykkt var í borgarráði í gær. Það verður komið á fót nýju fagsviði, leikskólasviði sem taka á til starfa á svipuðum tíma.

Mikil óánægja er bæði að hálfu minnihluta borgarstjórnar og fulltrúa leikskólakennara sem segja þetta muni draga úr samfellu á milli leik- og grunnskóla. Yfirvöld segja að með þessu sé verið að gera leikskólanum hærra undir höfði. Júlíus Vífill Ingvarsson, formaður menntaráðs, segir mál leikskólanna hafa verið vanrækt og með þessu sé verið að gefa þeim meira vægi.