Hostel II tekin upp að hluta á Íslandi

Til stendur að taka hluta hryllingsmyndarinnar Hostel II hér á landi og er áætlað að tökur fari fram í október og nóvember. Leikstjórinn frægi, Eli Roth, ásamt framleidendum og aðstandendum myndarinnar munu því koma til landsins um næstu helgi til að skoða tökustaði.

Eli Roth kom sér á heimskort kvikmyndanna þegar fyrsta mynd hans, Cabin Fever, var frumsýnd árið 2002. Næsta mynd hans, fyrrnefnd Hostel, náði svo óvænt fyrsta sæti aðsóknarlista kvikmyndahúsa í Bandaríkjunum og fór sigurför um heiminn.