22,2 milljónir afhentar góðgerðarsamtökum

Áheit að upphæð 22,2 milljónir króna sem söfnuðust í Reykjavíkurmaraþoni Glitnis síðastliðinn laugardag verða afhent við hátíðlega athöfn í Ráðhúsi Reykjavíkur í dag, fimmtudaginn 24. ágúst, kl. 18:00.

Bjarni Ármannsson, forstjóri Glitnis, flytur ávarp og þá mun Þorgerður Katrín Gunnarsdóttir menntamálaráðherra ávarpa samkomuna. Starfsmenn Glitnis sem hlupu í maraþoninu afhenda fulltrúum góðgerðarsamtaka söfnunarféð.

Eftirtaldir fulltrúar góðgerðarfélaga taka við áheitum fyrir þeirra hönd (innan sviga eru nöfn starfsmanna Glitnis sem afhenda áheitin):

Krabbameinsfélag Íslands: Sigurður Björnsson (Vilhelm Már Þorsteinsson afhendir)

Blátt áfram: Guðrún Ebba Ólafsdóttir (Lilja Pálsdóttir afhendir)

MS-félagið: Sigrún Ármannsdóttir (Sigrún Kjartansdóttir afhendir)

Spegillinn, forvarnasamtök um átröskun: Kolbrún Marelsdóttir (Sverrir Bjarni Sigursveinsson afhendir)

Björgunarsveitin Súlur: Friðfinnur Freyr Guðmundsson (Jóhannes Baldursson afhendir)

Umsjónarfélag einhverfra: Hjörtur Grétarsson (Erlendur Magnússon afhendir)

UNIFEM: Edda Jónsdóttir (Kristín Baldursdóttir afhendir)

Samtök sykursjúkra: Ómar Geir Bragason (Bala Kamallakharan afhendir)

Heilaheill: Bergþóra Annasdóttir (Guðrún Jónsdóttir afhendir)

Geðhjálp: Sveinn Magnússon (Silja Guðmundsdóttir afhendir)

Umhyggja: Ragna Marinósdóttir (Gunnlaugur Sveinsson afhendir)

Alls tóku 502 starfsmenn Glitnis þátt í maraþoninu og hét bankinn á þá með því að greiða 3.000 kr. til góðgerðarmála fyrir hvern hlaupinn kílómetra. Starfsmennirnir ákváðu sjálfir vegalengdina og hvaða góðgerðarsamtök skyldu njóta framlagsins. Alls var hlaupið í þágu 55 samtaka og námu áheit bankans alls 13,6 milljónum króna. Starfsmennirnir skoruðu ennfremur á almenning, vini og vandamenn, að leggja sitt af mörkum og heita á þá og þannig söfnuðust um 8,6 milljónir króna til viðbótar. Heildarupphæð áheita fór því í um 22,2 milljónir króna. Þegar lagðar eru saman vegalengdirnar sem starfsmenn hlupu kemur út heildarvegalengdin 4.380 km.

Þetta kemur fram í fréttatilkynningu frá Glitni.