Jónínu Ben dæmdar bætur

Héraðsdómur Reykjavíkur dæmdi í dag Mikael Torfason og Jónas Kristjánsson, fyrrverandi ritstjóra DV, til að greiða Jónínu Benediksdóttur bætur vegna umfjöllunar DV um einkalíf hennar.

Mikael Torfason og Jónas Kristjánsson, sem voru ritstjórar blaðsins þurfa að greiða 150.000 krónur hvor í sekt til ríkissjóðs. Jónína Benediktsdóttir fékk 500.000 krónur í miskabætur og 400.000 krónur vegna málskostnaðar. Jón Magnússon lögmaður ritstjóranna telur líklegt að dómnum verði áfrýjað til Hæstaréttar Íslands.

DV birti í lok september í fyrra forsíðufrétt sem snéri að einkamálefni Jónínu Benediktsdóttur. Höfðaði hún einkarefsimál í vetur og stefndi blaðinu og fyrrverandi ritstjórum blaðsins fyrir að fjalla um einkamál sín án þess að nægar ástæður væru fyrir hendi.