Grunur um að starfsmenn Byrgis hafi getið vistkonum börn 22. desember 2006 18:30 Grunur leikur á að fleiri en ein kona í meðferð í Byrginu hafi orðið barnshafandi eftir starfsmenn þar. Kona kærði í dag Guðmund Jónsson forstöðumann fyrir kynferðisbrot. Þrjár að auki hafa haft samband við lögreglu vegna tengsla sinna við Guðmund. Formaður Samfylkingarinnar vill opinbera rannsókn á starfsemi Byrgisins. Á heimasíðu Byrgisins eru birtar ítarlegar húsreglur og sú sjötta segir að fólk í Byrginu séu systkini í Kristi. Orðrétt segir: "Dragi þau sig saman til kynlífsathafna, fá þau frá hvort öðru rautt spjald, sem þýðir "Úr leik'' og víkja frá Byrginu strax. ( Phorno dogs.)" Kynlíf milli fólks er því brottrekstrarsök. Þó herma heimildir fréttastofu að fyrir utan ásakanir á hendur forstöðumanninum um kynferðismök með skjólstæðingum sínum þá hafi fleiri en ein kona í meðferð orðið barnshafandi eftir starfsmenn á Byrginu. Ólöf Ósk Erlendsdóttir sem sagði sögu sína í Íslandi í dag í gær kærði í dag Guðmund Jónsson forstöðumann til lögreglu fyrir kynferðisbrot. Í fjögurra klukkustunda skýrslutöku lagði hún fram öll sín gögn, bréf, myndefni, ljóð og SMS sem hún segir sannanir fyrir kynferðislegu sambandi þeirra. Hún mun síðar einnig kæra hann fyrir fjársvik en hún sakar hann um að hafa stungið í eigin vasa á fjórðu milljón króna sem hún fékk í bætur eftir bílslys. Að sögn Steinunnar Guðbjartsdóttur réttargæslumanns Ólafar eru tvær greinar hegningarlaga sem koma til álita í kærunni. Annars vegar að ef starfsmaður í fangelsi, vistheimili eða annarri slíkri stofnun hefur samræði við vistmann varði það fangelsi allt að fjórum árum. Og hins vegar grein þar sem segir meðal annars að hver sem hefur samræði við mann með því að misnota freklega þá aðstöðu sína að hann er honum háður sem skjólstæðingur í trúnaðarsambandi skal sæta fangelsi allt að þremur árum. Steinunn segir að sjálfeignastofnanir á borð við Byrgið geti ekki verið undanskyldar þessum ákvæðum. Rétt fyrir klukkan fjögur í dag bárust svo félagsmálaráðuneytinu svör frá stjórn Byrgisins við sjö spurningum ráðuneytisins. Í spurningum er meðal annars leitað eftir upplýsingum um hver hafi faglegt eftirlit með starfsemi Byrgisins. Farið verður yfir svörin strax milli jóla og nýárs. Ingibjörg Sólrún Gísladóttir, formaður Samfylkingarinnar segir nauðsynlegt að fram fari opinber rannsókn á starfsemi Byrgisins. "Og eins hvernig á því stendur að stofnun fær ár eftir ár veruleg fjárframlög á fjárlögum án þess að það sé haft faglegt og rekstrarlegt eftirlit með þeirri starfsemi sem þarna fer fram." Þá hefur lögmaður Byrgisins lagt fram kæru á hendur ábyrgðarmönnum fréttaskýringaþáttarins Kompáss fyrir brot gegn Guðmundi Jónssyni forstöðumanni og fyrir að hafa útvegað viðmælendum contalgin. Í samtali við fréttastofu sagðist lögmaður Byrgisins ekki vilja skýra nánar frá efni kærunnar enda sé það lögreglunnar að kynna kærðum aðilum það sem þeim er gefið að sök. Slíkt verði ekki gert í fjölmiðlum. Fréttir Innlent Mest lesið Móðir marin á kálfum eftir árás ungmenna í Mjódd Innlent Stefna á víðtækar ferðatakmarkanir Erlent Vefmyndavél Vísis á Reykjanesskaganum Innlent Trump og Pútín ræða „skiptingu eigna“ í Úkraínu Erlent Óttast að missa úrræðið sem breytti lífi hennar Innlent Grípa til aðgerða gegn Zuism eftir hæstaréttardóm Innlent Hringvegurinn styttist um tólf kílómetra fyrir lok árs Innlent Opnuðu ónothæft meðferðarheimili rétt fyrir kosningar Innlent Hefur tröllatrú á að samningar náist svo „Ladderíið“ geti haldið áfram Innlent Að minnsta kosti 37 látnir eftir ofsaveður Erlent Fleiri fréttir Grípa til aðgerða gegn Zuism eftir hæstaréttardóm Móðir marin á kálfum eftir árás ungmenna í Mjódd Óttast að missa úrræðið sem breytti lífi hennar Hringvegurinn styttist um tólf kílómetra fyrir lok árs Hefur tröllatrú á að samningar náist svo „Ladderíið“ geti haldið áfram Opnuðu ónothæft meðferðarheimili rétt fyrir kosningar Galasýning á hestum og dansað við stóðhest Barnavernd veigri sér ekki við að taka á málum barna af erlendum uppruna Tveir handteknir vegna líkamsárása Hræðileg staða, tap vegna leikaraverkfalls og dansandi stóðhestur Vefmyndavél Vísis á Reykjanesskaganum Veruleg fækkun skemmtiskipa á Vestfjörðum í sumar Ríkið taki að sér mál barna með fjölþættan vanda „Stjórn Leikfélagsins hefur fullkomlega brugðist“ Gripið verði inn í strax í leikskóla Ætlaði að kaupa rafhlaupahjól en var rændur Sjötti úrskurðaður í gæsluvarðhald Hjólakaup sem enduðu í vopnuðu ráni og börn í vanda Hvað má læra af Covid, börn í vanda og ríkisbuddan í Sprengisandi Hótað með hníf og rændur í miðbænum Muni eyða síðustu stundunum með sínum nánustu við slæmar aðstæður Áreitið hafði mikil áhrif 16 klukkutíma ferð 12 vörubíla með sex timburhús á Húsavík Ekki útilokað að það gjósi á næstu klukkustundum Yfirvofandi eldgos og íslandsmeistarmót í Ólsen ólsen Hundrað manns ræddu umhverfismálin Rannsókninni miðar vel áfram Svört skýrsla komi ekki á óvart Rabarbarafélag stofnað á Blönduósi í dag Neyðarvistun í fangaklefa gróft brot á réttindum barna Sjá meira
Grunur leikur á að fleiri en ein kona í meðferð í Byrginu hafi orðið barnshafandi eftir starfsmenn þar. Kona kærði í dag Guðmund Jónsson forstöðumann fyrir kynferðisbrot. Þrjár að auki hafa haft samband við lögreglu vegna tengsla sinna við Guðmund. Formaður Samfylkingarinnar vill opinbera rannsókn á starfsemi Byrgisins. Á heimasíðu Byrgisins eru birtar ítarlegar húsreglur og sú sjötta segir að fólk í Byrginu séu systkini í Kristi. Orðrétt segir: "Dragi þau sig saman til kynlífsathafna, fá þau frá hvort öðru rautt spjald, sem þýðir "Úr leik'' og víkja frá Byrginu strax. ( Phorno dogs.)" Kynlíf milli fólks er því brottrekstrarsök. Þó herma heimildir fréttastofu að fyrir utan ásakanir á hendur forstöðumanninum um kynferðismök með skjólstæðingum sínum þá hafi fleiri en ein kona í meðferð orðið barnshafandi eftir starfsmenn á Byrginu. Ólöf Ósk Erlendsdóttir sem sagði sögu sína í Íslandi í dag í gær kærði í dag Guðmund Jónsson forstöðumann til lögreglu fyrir kynferðisbrot. Í fjögurra klukkustunda skýrslutöku lagði hún fram öll sín gögn, bréf, myndefni, ljóð og SMS sem hún segir sannanir fyrir kynferðislegu sambandi þeirra. Hún mun síðar einnig kæra hann fyrir fjársvik en hún sakar hann um að hafa stungið í eigin vasa á fjórðu milljón króna sem hún fékk í bætur eftir bílslys. Að sögn Steinunnar Guðbjartsdóttur réttargæslumanns Ólafar eru tvær greinar hegningarlaga sem koma til álita í kærunni. Annars vegar að ef starfsmaður í fangelsi, vistheimili eða annarri slíkri stofnun hefur samræði við vistmann varði það fangelsi allt að fjórum árum. Og hins vegar grein þar sem segir meðal annars að hver sem hefur samræði við mann með því að misnota freklega þá aðstöðu sína að hann er honum háður sem skjólstæðingur í trúnaðarsambandi skal sæta fangelsi allt að þremur árum. Steinunn segir að sjálfeignastofnanir á borð við Byrgið geti ekki verið undanskyldar þessum ákvæðum. Rétt fyrir klukkan fjögur í dag bárust svo félagsmálaráðuneytinu svör frá stjórn Byrgisins við sjö spurningum ráðuneytisins. Í spurningum er meðal annars leitað eftir upplýsingum um hver hafi faglegt eftirlit með starfsemi Byrgisins. Farið verður yfir svörin strax milli jóla og nýárs. Ingibjörg Sólrún Gísladóttir, formaður Samfylkingarinnar segir nauðsynlegt að fram fari opinber rannsókn á starfsemi Byrgisins. "Og eins hvernig á því stendur að stofnun fær ár eftir ár veruleg fjárframlög á fjárlögum án þess að það sé haft faglegt og rekstrarlegt eftirlit með þeirri starfsemi sem þarna fer fram." Þá hefur lögmaður Byrgisins lagt fram kæru á hendur ábyrgðarmönnum fréttaskýringaþáttarins Kompáss fyrir brot gegn Guðmundi Jónssyni forstöðumanni og fyrir að hafa útvegað viðmælendum contalgin. Í samtali við fréttastofu sagðist lögmaður Byrgisins ekki vilja skýra nánar frá efni kærunnar enda sé það lögreglunnar að kynna kærðum aðilum það sem þeim er gefið að sök. Slíkt verði ekki gert í fjölmiðlum.
Fréttir Innlent Mest lesið Móðir marin á kálfum eftir árás ungmenna í Mjódd Innlent Stefna á víðtækar ferðatakmarkanir Erlent Vefmyndavél Vísis á Reykjanesskaganum Innlent Trump og Pútín ræða „skiptingu eigna“ í Úkraínu Erlent Óttast að missa úrræðið sem breytti lífi hennar Innlent Grípa til aðgerða gegn Zuism eftir hæstaréttardóm Innlent Hringvegurinn styttist um tólf kílómetra fyrir lok árs Innlent Opnuðu ónothæft meðferðarheimili rétt fyrir kosningar Innlent Hefur tröllatrú á að samningar náist svo „Ladderíið“ geti haldið áfram Innlent Að minnsta kosti 37 látnir eftir ofsaveður Erlent Fleiri fréttir Grípa til aðgerða gegn Zuism eftir hæstaréttardóm Móðir marin á kálfum eftir árás ungmenna í Mjódd Óttast að missa úrræðið sem breytti lífi hennar Hringvegurinn styttist um tólf kílómetra fyrir lok árs Hefur tröllatrú á að samningar náist svo „Ladderíið“ geti haldið áfram Opnuðu ónothæft meðferðarheimili rétt fyrir kosningar Galasýning á hestum og dansað við stóðhest Barnavernd veigri sér ekki við að taka á málum barna af erlendum uppruna Tveir handteknir vegna líkamsárása Hræðileg staða, tap vegna leikaraverkfalls og dansandi stóðhestur Vefmyndavél Vísis á Reykjanesskaganum Veruleg fækkun skemmtiskipa á Vestfjörðum í sumar Ríkið taki að sér mál barna með fjölþættan vanda „Stjórn Leikfélagsins hefur fullkomlega brugðist“ Gripið verði inn í strax í leikskóla Ætlaði að kaupa rafhlaupahjól en var rændur Sjötti úrskurðaður í gæsluvarðhald Hjólakaup sem enduðu í vopnuðu ráni og börn í vanda Hvað má læra af Covid, börn í vanda og ríkisbuddan í Sprengisandi Hótað með hníf og rændur í miðbænum Muni eyða síðustu stundunum með sínum nánustu við slæmar aðstæður Áreitið hafði mikil áhrif 16 klukkutíma ferð 12 vörubíla með sex timburhús á Húsavík Ekki útilokað að það gjósi á næstu klukkustundum Yfirvofandi eldgos og íslandsmeistarmót í Ólsen ólsen Hundrað manns ræddu umhverfismálin Rannsókninni miðar vel áfram Svört skýrsla komi ekki á óvart Rabarbarafélag stofnað á Blönduósi í dag Neyðarvistun í fangaklefa gróft brot á réttindum barna Sjá meira