Christiansen vill ekki mæta Þjóðverjum

Lars Christiansen, hornarmaður danska landsliðsins í handbolta, vill með engu móti mæta gestgjöfum Þjóðverja í 8-liða úrslitum HM. Eftir sigur Þjóðverja á Íslendingum í milliriðli 1 dag er líklegast að þeir muni mæta liðinu sem hafnar í þriðja sæti í milliriðli 2. Ef Danir vinna Tékka í dag og Spánn tapar fyrir Króatíu verður Christiansen að ósk sinni.

Ég er alveg til í að mæta Þýskalandi, en helst myndi ég vilja bíða með það þar til í undanúrslitunum,” sagði Christiansen við Extrabladet. “Þjóðverjar hafa verið að spila sífellt betur í keppninni og það er mikil stemning í herbúðum liðsins. Það verður gríðarlega erfitt að mæta þeim,” bætti hann við.