Grunaður um íkveikju

Húsráðandi í íbúð í fjölbýlishúsi vestarlega á Hringbraut í Reykjavík, er í haldi lögreglu, grunaður um íkveikju í íbúð sinni. Vegfarendur tilkynntu um reyk út um glugga á íbúðinni seint í gærkvöldi, og þegar slökkvilið kom á vettvang logaði talsverður eldur innandyra og er þar allt stór skemmt eða ónýtt af völdum reyks og hita. Þá barst reykur inn í aðra íbúð í húsinu.

Húsráðandi hafði komið sér út og yfir í aðra íbúð, en lét ekki vita af eldinum. Hann var fluttur á Slysadeild til skoðunar en þaðan í fangageymslur.