Kynntu aðgerðaáætlun í málefnum barna og barnafólks

Samfylkingin kynnti í dag ítarlega aðgerðaáætlun í málefnum barna og barnafólks undir yfirskriftinni Unga Ísland. Tilgangurinn er sá að vekja athygli á mikilvægi barnastefnu og vill Samfylkingin að málefni barna verði í forgangi á verkefnalista næstu ríkisstjórnar.

Meðal aðgerða sem kynntar voru í dag eru:

• Bætt tannvernd barna með ókeypis eftirliti og forvörnum og stórauknum niðurgreiðslum á tannviðgerðum barna.
• Hækkun barnabóta, með því að draga úr tekjutengingum sem koma mun lágtekju- og millitekjuhópum best.
• Ókeypis skólabækur fyrir framhaldsskólanema
• Foreldraráðgjöf í öllum sveitarfélögum sem miðist við mismunandi aldursskeið barna
• Sólarhrings aðstoð og ráðgjöf fyrir unga fíkniefnaneytendur og börn með geðræn vandamál.
• Stóreflt forvarnarstarf gegn kynferðisofbeldi
• Aukinn stuðningur við börn innflytjenda í skólakerfinu,m.a. með stóraukinni íslenskukennslu.