Fjögurra ára fangelsi fyrir fimm líkamsárásir

Héraðsdómur Norðurlands eystra dæmdi í dag 25 ára karlmann, Steindór Hrein Veigarsson, í fjögurra ára fangelsi fyrir fimm líkamsárásir og húsbrot á Akureyri í fyrra. Félagi hans, Kristján Halldór Jensson, var dæmdur í tveggja ára fangelsi, einnig fyrir líkamsárásir.

Tveir aðrir menn voru ákærðir í sama máli. Öðrum þeirra var ekki gerð refsing. Hinn var sýknaður. Steindór og Kristján voru, ásamt þriðja manni, dæmdir til að greiða fórnarlömbum sínum á fjórðu milljón króna í skaðabætur.