Mikill árangur á síðustu 16 árum 12. apríl 2007 18:07 Geir H. Haarde, formaður Sjálfstæðisflokksins, sagði í setningarræðu sinni á landsfundi Sjálfstæðisflokksins fyrir stundu að mikill árangur hefði náðst í efnahagsmálum á þeim sextán árum sem sjálfstæðismenn hefðu haft forystu í ríkisstjórn. Frelsi hefði verið innleitt á tíunda áratug síðustu aldar undir forystu flokksins og Ísland væri orðið það sem sjálfstæðismenn hefðu lofað - land tækifæranna. Geir fjallaði mikið um efnahagsmálin og benti á að á síðustu 12 árum hefði kaupmáttur heimilanna aukist um 60 prósent á sama tíma og skuldir ríkissjóðs hefðu verið greiddar niður. Af þessari kaupmáttaraukningu hefðu tæp 20 prósent komið til á yfirstandandi kjörtímabili. Lífskjörin hefðu batnað mun meira en í nágrannaríkjunum og það væri eftirsóknarverðara en áður að búa á Íslandi. Þá sagði hann framfarir síðustu ára hafa mætt mikilli andstöðu hjá stjórnarandstöðunni. Hún hefði barist gegn öllum skattalækkunum ríkisstjórnarinnar og sagt þær vera efnahagslegt glapræði. Hins vegar hefði hún svo breytt um tón og sagt skattalækkanirnar í raun hafa verið skattahækkanir. Það væri auðvitað sérstakt rannsóknarefni hvernig menn kæmust að slíkri niðurstöðu. Það kæmi ekki á óvart að stjórnarandstaðan væri á hröðum flótta undan sinni eigin endaleysu. Þá hafnaði hann því að komið hefði verið á þjóðfélagi ójöfnuðar og misskiptingar eins og stjórnarandstaðan hefði haldið fram. Hún hefði hins vegar horfið frá því og héldi nú fram að svokölluð hagstjórnarmistök ríkisstjórnarinnar kostuðu hvert heimili hundruð þúsunda króna á ári í formi verðbólgu og hárra vaxta. Sagði hann rétt að verbólga skerti kjör almennings og það þekktu menn sem myndu valdatíma vinstri stjórna. Þetta væri þó aðeins hálfur sannleikur. Stjórnarandstaðan kysi að nefna ekki að kostnaður vegna verðbólgu og vaxta væri auðvitað tekinn með í reikninginn þegar kaupmáttur væri reiknaður og það væri algjörlega óumdeilt að ráðstöfunartekjur heimilanna hefðu aukist meira en dæmi væri um. Tal um hagstjórnarmistök væri því innantómt, Þá fjallaði Geir einnig um umhverfismál og sagði sjálfstæðismenn hafa þá trú að best færi á því að einstaklingurinn stjórnaði sér sem mest sjálfur. Því ætti að hvetja fólk til að velja umhverfisvæna kosti í lífi sínu frekar en að beita aðferðum vinstri manna og setja boð og bönn á þær lífsvenjur sem fólk hefur valið sér. Það væri meðal annar inntakið í hinum grænu skrefum í Reykjavík sem kynnt hafi verið í gær. Þá sagði hann Íslendinga búa við einstakar aðstæður sem gerðu þeim kleift að beisla endurnýjanlegar orkulindir í ríkari mæli en aðrar þjóðir. Íslendingar byggju yfir sérþekkingu á þessu sviði sem aðrar þjóðir sæktust eftir og væri nú þegar orðin útflutningsvara. Geir fjallaði einnig um velferðarmálin og sagði mikilvægt að tryggja að enginn yrði útundan þegar kæmi að skiptingu gæðanna í þjóðfélaginu. Sagði hann að einfalda þyrfti lífeyriskerfi landsins, bætur og skatta og auðvelda öryrkjum og öldruðum atvinnuþátttöku, án þess að það skerði bætur þeirra. Þá þyfti taka upp einstaklingsmiðaða öldrunarþjónustu í miklu ríkari mæli en hingað til. „Um þessi mál hefur undanfarnar vikur átt sér stað árangursríkt samráð milli þingmanna Sjálfstæðisflokksins og Samtaka eldri sjálfstæðismanna sem og Landssambands eldri borgara. Í framhaldi af því samráði vil ég beita mér fyrir því að minnka sem fyrst hinar almennu skerðingar í almannatryggingakerfinu úr um 40 prósent í 35 prósent," sagði Geir. Hann vildi einnig að þeir sem væru orðnir sjötugir gætu unnið launaða vinnu án þess að launin skerði lífeyri frá Tryggingastofnun. Geir sagði sjálfstæðismenn ekki ætla að taka þátt í loforðakapphlaupi vinstri flokkanna. Benti hann á að í sjónvarpsumræðum síðastliðinn mánudag hafi andstæðingum flokksins tekist að setja fram fyrirheit um aukin ríkisútgjöld upp á 100 milljarða króna á aðeins tveimur mínútum. Hann notaði einnig tækifærið í ræðunni til að senda Birni Bjarnasyni dómsmálaráðherra, sem gekkst undir aðgerð á sjúkrahúsi í gær, bestu óskir um skjótan og góðan bata.Hægt er að horfa á útsendingu frá landsfundi Sjálfstæðisflokksins hér Fréttir Innlent Mest lesið Netanyahu heitir hefndum Erlent Dæmi um að leikarar fái 1300 á tímann Innlent Bein útsending: Walz og Vance hittast í fyrsta sinn Erlent Leggja til neyðaraðgerðir til að bregðast við „ófremdarástandi“ Innlent Gestur greiðir ekki krónu þó að pallaolía hafi hellst í bílinn Innlent „Með því alvarlegra sem ég hef séð frá Vinnueftirlitinu“ Innlent Segir gagnrýnina ósvífna og ósanngjarna Innlent Mælirinn fullur vegna vanvirðingar á slysstað Innlent Trump lét sér ekki segjast og endurtók lygina Erlent Fjöldi skotflauga lenti í Ísrael Erlent Fleiri fréttir Leggja til neyðaraðgerðir til að bregðast við „ófremdarástandi“ Fundi aftur frestað til morguns Dæmi um að leikarar fái 1300 á tímann Ráðamenn ríkis og borgar hallast að því að halda áfram með Hvasshraun Segir gagnrýnina ósvífna og ósanngjarna Ólafur Ragnar breytti stöðu forsetaembættisins „Með því alvarlegra sem ég hef séð frá Vinnueftirlitinu“ Mælirinn fullur vegna vanvirðingar á slysstað Vita af tíu Íslendingum í Ísrael Nýjustu vendingar í Ísrael og bróðir í sárum Harður árekstur við Ingólfsfjall Gestur greiðir ekki krónu þó að pallaolía hafi hellst í bílinn Læknir ávísaði lyfjum í nafni konu sem lést níu árum áður Fordæmalaus áform og enginn lagarammi til um eftirlit Ungur ökumaður ekki grunaður um akstur undir áhrifum Ólafur Ragnar Grímsson: Kjörnir fulltrúar eiga ekki að vera í ævarandi leynibandalagi Blöskrar „tvískinnungur“ hjá borgarfulltrúa eftir banaslys Flestir hlynntir inngöngu í ESB og hafa aldrei verið fleiri Tilefnislaus líkamsárás við Traðarkotssund „fyrir Pútín“ Vatnstjón í Hlíðaskóla og krakkarnir sendir heim Telur lykilspurningum um banaslysið enn ósvarað Hreinsaður af ásökunum eiginkonu sveitarstjórans Flugvöllur í Hvassahrauni enn inni í myndinni Á meðan bílinn er ódýrari verði hann fyrsta val Flugvöllur í Hvassahrauni alls ekki úr myndinni Ekkert skriflegt áhættumat og spurt hvort vinnan hafi verið áhættunnar virði Kristjana frá Rúv til Ásmundar Einars Bein útsending: Kynna niðurstöður um flugvöll og samgöngur „Hefði alveg getað verið góði strákurinn í Sjálfstæðisflokknum“ Fimmti hver ökumaður með óeðlileg afskipti við slysstað Sjá meira
Geir H. Haarde, formaður Sjálfstæðisflokksins, sagði í setningarræðu sinni á landsfundi Sjálfstæðisflokksins fyrir stundu að mikill árangur hefði náðst í efnahagsmálum á þeim sextán árum sem sjálfstæðismenn hefðu haft forystu í ríkisstjórn. Frelsi hefði verið innleitt á tíunda áratug síðustu aldar undir forystu flokksins og Ísland væri orðið það sem sjálfstæðismenn hefðu lofað - land tækifæranna. Geir fjallaði mikið um efnahagsmálin og benti á að á síðustu 12 árum hefði kaupmáttur heimilanna aukist um 60 prósent á sama tíma og skuldir ríkissjóðs hefðu verið greiddar niður. Af þessari kaupmáttaraukningu hefðu tæp 20 prósent komið til á yfirstandandi kjörtímabili. Lífskjörin hefðu batnað mun meira en í nágrannaríkjunum og það væri eftirsóknarverðara en áður að búa á Íslandi. Þá sagði hann framfarir síðustu ára hafa mætt mikilli andstöðu hjá stjórnarandstöðunni. Hún hefði barist gegn öllum skattalækkunum ríkisstjórnarinnar og sagt þær vera efnahagslegt glapræði. Hins vegar hefði hún svo breytt um tón og sagt skattalækkanirnar í raun hafa verið skattahækkanir. Það væri auðvitað sérstakt rannsóknarefni hvernig menn kæmust að slíkri niðurstöðu. Það kæmi ekki á óvart að stjórnarandstaðan væri á hröðum flótta undan sinni eigin endaleysu. Þá hafnaði hann því að komið hefði verið á þjóðfélagi ójöfnuðar og misskiptingar eins og stjórnarandstaðan hefði haldið fram. Hún hefði hins vegar horfið frá því og héldi nú fram að svokölluð hagstjórnarmistök ríkisstjórnarinnar kostuðu hvert heimili hundruð þúsunda króna á ári í formi verðbólgu og hárra vaxta. Sagði hann rétt að verbólga skerti kjör almennings og það þekktu menn sem myndu valdatíma vinstri stjórna. Þetta væri þó aðeins hálfur sannleikur. Stjórnarandstaðan kysi að nefna ekki að kostnaður vegna verðbólgu og vaxta væri auðvitað tekinn með í reikninginn þegar kaupmáttur væri reiknaður og það væri algjörlega óumdeilt að ráðstöfunartekjur heimilanna hefðu aukist meira en dæmi væri um. Tal um hagstjórnarmistök væri því innantómt, Þá fjallaði Geir einnig um umhverfismál og sagði sjálfstæðismenn hafa þá trú að best færi á því að einstaklingurinn stjórnaði sér sem mest sjálfur. Því ætti að hvetja fólk til að velja umhverfisvæna kosti í lífi sínu frekar en að beita aðferðum vinstri manna og setja boð og bönn á þær lífsvenjur sem fólk hefur valið sér. Það væri meðal annar inntakið í hinum grænu skrefum í Reykjavík sem kynnt hafi verið í gær. Þá sagði hann Íslendinga búa við einstakar aðstæður sem gerðu þeim kleift að beisla endurnýjanlegar orkulindir í ríkari mæli en aðrar þjóðir. Íslendingar byggju yfir sérþekkingu á þessu sviði sem aðrar þjóðir sæktust eftir og væri nú þegar orðin útflutningsvara. Geir fjallaði einnig um velferðarmálin og sagði mikilvægt að tryggja að enginn yrði útundan þegar kæmi að skiptingu gæðanna í þjóðfélaginu. Sagði hann að einfalda þyrfti lífeyriskerfi landsins, bætur og skatta og auðvelda öryrkjum og öldruðum atvinnuþátttöku, án þess að það skerði bætur þeirra. Þá þyfti taka upp einstaklingsmiðaða öldrunarþjónustu í miklu ríkari mæli en hingað til. „Um þessi mál hefur undanfarnar vikur átt sér stað árangursríkt samráð milli þingmanna Sjálfstæðisflokksins og Samtaka eldri sjálfstæðismanna sem og Landssambands eldri borgara. Í framhaldi af því samráði vil ég beita mér fyrir því að minnka sem fyrst hinar almennu skerðingar í almannatryggingakerfinu úr um 40 prósent í 35 prósent," sagði Geir. Hann vildi einnig að þeir sem væru orðnir sjötugir gætu unnið launaða vinnu án þess að launin skerði lífeyri frá Tryggingastofnun. Geir sagði sjálfstæðismenn ekki ætla að taka þátt í loforðakapphlaupi vinstri flokkanna. Benti hann á að í sjónvarpsumræðum síðastliðinn mánudag hafi andstæðingum flokksins tekist að setja fram fyrirheit um aukin ríkisútgjöld upp á 100 milljarða króna á aðeins tveimur mínútum. Hann notaði einnig tækifærið í ræðunni til að senda Birni Bjarnasyni dómsmálaráðherra, sem gekkst undir aðgerð á sjúkrahúsi í gær, bestu óskir um skjótan og góðan bata.Hægt er að horfa á útsendingu frá landsfundi Sjálfstæðisflokksins hér
Fréttir Innlent Mest lesið Netanyahu heitir hefndum Erlent Dæmi um að leikarar fái 1300 á tímann Innlent Bein útsending: Walz og Vance hittast í fyrsta sinn Erlent Leggja til neyðaraðgerðir til að bregðast við „ófremdarástandi“ Innlent Gestur greiðir ekki krónu þó að pallaolía hafi hellst í bílinn Innlent „Með því alvarlegra sem ég hef séð frá Vinnueftirlitinu“ Innlent Segir gagnrýnina ósvífna og ósanngjarna Innlent Mælirinn fullur vegna vanvirðingar á slysstað Innlent Trump lét sér ekki segjast og endurtók lygina Erlent Fjöldi skotflauga lenti í Ísrael Erlent Fleiri fréttir Leggja til neyðaraðgerðir til að bregðast við „ófremdarástandi“ Fundi aftur frestað til morguns Dæmi um að leikarar fái 1300 á tímann Ráðamenn ríkis og borgar hallast að því að halda áfram með Hvasshraun Segir gagnrýnina ósvífna og ósanngjarna Ólafur Ragnar breytti stöðu forsetaembættisins „Með því alvarlegra sem ég hef séð frá Vinnueftirlitinu“ Mælirinn fullur vegna vanvirðingar á slysstað Vita af tíu Íslendingum í Ísrael Nýjustu vendingar í Ísrael og bróðir í sárum Harður árekstur við Ingólfsfjall Gestur greiðir ekki krónu þó að pallaolía hafi hellst í bílinn Læknir ávísaði lyfjum í nafni konu sem lést níu árum áður Fordæmalaus áform og enginn lagarammi til um eftirlit Ungur ökumaður ekki grunaður um akstur undir áhrifum Ólafur Ragnar Grímsson: Kjörnir fulltrúar eiga ekki að vera í ævarandi leynibandalagi Blöskrar „tvískinnungur“ hjá borgarfulltrúa eftir banaslys Flestir hlynntir inngöngu í ESB og hafa aldrei verið fleiri Tilefnislaus líkamsárás við Traðarkotssund „fyrir Pútín“ Vatnstjón í Hlíðaskóla og krakkarnir sendir heim Telur lykilspurningum um banaslysið enn ósvarað Hreinsaður af ásökunum eiginkonu sveitarstjórans Flugvöllur í Hvassahrauni enn inni í myndinni Á meðan bílinn er ódýrari verði hann fyrsta val Flugvöllur í Hvassahrauni alls ekki úr myndinni Ekkert skriflegt áhættumat og spurt hvort vinnan hafi verið áhættunnar virði Kristjana frá Rúv til Ásmundar Einars Bein útsending: Kynna niðurstöður um flugvöll og samgöngur „Hefði alveg getað verið góði strákurinn í Sjálfstæðisflokknum“ Fimmti hver ökumaður með óeðlileg afskipti við slysstað Sjá meira