Jón Ásgeir í lúxuspallborði Financial Times

Jón Ásgeir Jóhannesson forstjóri Baugs verður í pallborði á ráðstefnu um munaðarvörur-, þjónustu- og lúxus í júní. Það er dagblaðið Financial Times sem á veg og vanda að ráðstefnunni. Hún verður haldin í Feneyjum 3-5 júní næstkomandi. Yfirskrift hennar er Gamall munaður á nýjum mörkuðum; Nýr munaðir í gamla heiminum, eða „Old Luxury in New Markets; New Luxury in the Old World."

Meðal fyrirlesara á ráðstefnunni eru aðilar frá fjármálafyrirtækinu Morgan Stanley, demantamiðlurunum Van Cleef & Arpels og forstjórar ýmissa  alþjóðahátískufyrirtækja, svo sem Gucci, Diesel, Chloe og Marni, auk Philippe Starck, hönnuðarins heimsfræga.