Nýr dósent viðskiptadeildar á Bifröst

Ásta Dís Óladóttir hefur verið ráðin dósent við viðskiptadeild Háskólans á Bifröst. Ásta hefur undanfarin ár starfað við Viðskiptaháskólann í Kaupmannahöfn auk þess að sinna doktorsrannsóknum í alþjóðaviðskiptum. Þær beinast meðal annars að erlendum fjárfestingafyrirtækjum frá smáum hagkerfum.

Þá vinnur Ásta einnig að rannsókn um fjölbreytileika í stjórnun fyrirtækja í samvinnu við sérfræðinga frá háskólum á Norðurlöndum.

Ásta mun sinna störfum sínum í Kaupmannahöfn meðfram störfum við Háskólann á Bifröst.

Eiginmaður Ástu er Reynir Jónsson framkvæmdastjóri Strætós. Þau eiga fjögur börn.