Jón Sigurðsson, formaður Framsóknarflokksins og Guðni Ágústsson, varaformaður Framsóknarflokksins héldu rakleitt á fund forsætisráðherra í stjórnarráðinu að loknum fundi þingmanna Framsóknarflokksins og fleiri í dag. Fundur þeirra stendur enn yfir.
Ekki er vitað hvað fer þar á milli en reikna má með að Jón og Guðni séu að gera Geir H. Haarde grein fyrir afstöðu Framsóknarflokksins varðandi áframhaldandi stjórnarsamstarf.
