Bryggjudagurinn haldinn hátíðlegur í dag

Bryggjudagur var haldinn hátíðlegur við höfnina í Kópavogi í annað sinn í dag. Að hátíðinni standa íbúar við Bakkabraut 5 - 7 og fyrirtæki þeirra. Framtakið vakti mikla ánægju þeirra sem sóttu daginn í fyrra, enda mikið framboð af sýningum og skemmtiatriðum af ýmsu tagi auk þess sem íbúar bryggjuhúsanna buðu gestum að smakka allskyns góðgæti.

Þar fór fremstur í flokki Úlfar Eysteinsson matreiðslumaður sem bauð upp á grillað hvalkjöt sem enn er talað um í bænum.

Tökumaður Stöðvar tvö og Vísis, Egill Aðalsteinsson, var á staðnum og tók þessar myndir.