Tveir menn dæmdir fyrir innbrot í Norðlenska hf.

Tveir karlmenn voru í Héraðsdómi Norðurlands eystra í gær dæmdir í skilorðsbundið fangelsi fyrir þjófnað. Annar fékk tveggja ára dóm en hinn hafði hlotið þriggja ára skilorðsbundinn dóm í maí sl. og var sá dómur ekki þyngdur. Honum var þó gert að greiða sakakostnað sem fólst í þóknun verjanda og var sú upphæð 99.097 kr.

Mennirnir játuðu brot sín en þeir brutust inn í kjötvinnslu Norðlenska hf. við Þingeyjarsýslubraut á Húsavík. Þeir stálu þar tölvubúnaði að verðmæti 249.700 kr., tveimur áfengisflöskum, 12 bjórdósum og sparibauk sem í voru um 70.000 kr.