Íslenski boltinn

Íslandsmót karla hefst 10. maí

Eiríkur Stefán Ásgeirsson skrifar
Stuðningsmenn Vals fara til Keflavíkur í fyrstu umferð.
Stuðningsmenn Vals fara til Keflavíkur í fyrstu umferð. Mynd/E. Stefán

Keppni í Landsbankadeild karla hefst þann 10. maí næstkomandi samkvæmt drög að leikjaniðurröðun sem birt var á ársþingi KSÍ í morgun.

Efsta deild karla verður í fyrsta skipti skipuð tólf liðum í sumar en engu að síður verður mótið alveg jafn langt og í fyrra.

Mótið í ár hefst 10. maí og lýkur þann 27. september. Í fyrra hófst mótið 12. maí og lauk þann 29. september.

Fjórar umferðir bætast við mótið í sumar og mun því leikjaniðurröðun þéttast talsvert.

Þá voru Drago-stytturnar veittar á þinginu í morgun en þær eru veittar þeim liðum sem þykja sína hvað prúðmannlegastan leik. Þær komu í hlut Vals og Fjarðabyggðar.
Íslenski boltinn

Mest lesið


Fleiri fréttir

Sjá meira


×

Mest lesið