David Villa líklega á leiðinni til Manchester City

Manchester-borg er orðinn líklegt framtíðarheimili fyrir Spánverjann David Villa sem spilar með Valenica á Spáni. Viðræður eru hafnar á milli Manchester City og Valenica og spænska blaðið Sport heldur því fram að enska liðið sé það eina sem er tilbúið að borga uppgefið verð sem er ekki í lægri kantinum.

Valencia, sem er í fjárhagserfiðleikum og þarf nauðsynlega að selja leikmenn, vill fá 40 milljónir evra fyrir þennan frábæra sóknarmann sem hefur gert góða hluti með Valencia og spænska landsliðinu.

Juventus, Chelsea , Liverpool, Barcelona og Real Madrid hafa öll sýnt mikinn áhuga á að næla í þennan 27 ára gamla leikmann og fréttir bárust á dögunum að félagsskipti Villa til Juventus hafi strandað á því að ítalska liðið var ekki tilbúið að borga 20 milljónir evra strax við undirritun.

Valenica vill ganga frá kaupunum sem fyrst þannig að félagið geti gert upp eitthvað af skuldum sínum í maí en þá fylgir einnig þessum fréttum að Valenica ætli sér að kaupa Liedson as Villa frá Sporting til þess að fylla skarð David Villa fari hann til Manchester City.