Flugumferð leyfð um Akureyri og Egilsstaði

Flugvellirnir á Akureyri og á Egilsstöðum verða opnir áfram í kvöld og í nótt en útlit var fyrir að þeim yrði að loka sökum öskufalls frá Eyjafjallajökli. Flugvellirnir í Keflavík og í Reykjavík eru hinsvegar enn á svokölluðu svörtu svæði miðað við spá um öskudreifingu og verða því lokaðir áfram.

Icelandair ætlar því að lenda þremur vélum frá Glasgow á Akureyrarflugvelli í kvöld.

Vonast er til þess að hægt verði að opna í Keflavík á morgun en ólíklegt þykir að það verði fyrr en líða tekur á daginn.