Magni syngur á plötu tileinkaðri Kiss

Ég var einmitt að reyna rifja það upp áðan og fór og skoðaði e-mail-ana. Þetta var eiginlega ekki merkilegra en það að minn maður hjá plötufyrirtækinu mínu úti sendi mér: Hæ, viltu vera með á Kiss tribute-i?" segir tónlistarmaðurinn Magni Ásgeirsson, sem flytur lagið Love It Loud með hljómsveitinni Kiss á tribute plötu sem kemur út í Bandaríkjunum eftir nokkrar vikur.

Magni var gestur Ívars Guðmundssonar á Bylgjunni í dag.

Magni segist ekki alveg vera með þá hreinu hverjir það eru sem muni syngja á plötunni. „Þeir eru alveg hressir ennþá. Það er eitthvað afmælið, ég veit ekki hvað hljómsveitin er orðin gömul, 30 eða 40 ára," segir Magni aðspurður hvert tilefnið sé að gefa út tribute plötu.

Hægt er að hlusta á viðtalið við Magna með því að smella á hlekkinn hér að ofan.