Kvenkyns Ólympíufarar gagnrýndir fyrir vaxtarlag Kolbeinn Tumi Daðason skrifar 6. ágúst 2012 00:01 Sara Robles fagnar góðri lyftu í keppni í ólympískum lyftingum. Nordicphotos/Getty Holley Mangold, keppandi í ólympískum lyftingum, er þyngsti kvenkeppandinn á Ólympíuleikunum í London. Mangold er 157 kg að þyngd og hefur glímt við gagnrýni um að svo þung kona geti varla talist afrekskona í íþróttum. Mangold, sem keppti í +75 kg flokki í ólympískum lyftingum, er ein fjölmargra kvenkyns ólympíufara sem hafa sætt gagnrýni úr ýmsum áttum fyrir að vera of þungar. Auk Mangold hafa sundkonurnar Rebecca Adlington og Leisel Jones, leikmenn kvennalandsliðs Brasilíu í knattspyrnu og meira að segja fjölþrautarkonurnar Jessica Ennis og Louise Hazel þurft að hlusta á fullyrðingar þess efnis að þær væru of þungar eða einfaldlega feitar. „Ég tel mig og liðsfélaga minn (Sarah Robles) hafa sýnt að íþróttafólk getur verið af öllum stærðum," segir hin 22 ára gamla Mangold í samtali við Reuters-fréttastofuna. Mangold, sem hafnaði í 10. sæti af 14 keppendum í þyngdarflokki sínum, segist stolt af þyngd sinni. Ólympíuleikar kvennaÓlympíuleikarnir í London hafa verið titlaðir „Leikar kvenna" enda kepptu konur í öllum íþróttagreinum leikanna í fyrsta skipti. Þá var þátttakendum í blakkeppni kvenna í fyrsta skipti gefin kostur á að klæðast öðru en bikiní. Því skýtur nokkuð skökku við að fremstu konur leikanna, jafnvel verðlaunahafar á leikunum, þurfi að hlýða á umræðu um holdarfar sitt. Ástralska sundkonan Leisel Jones, sem unnið hefur til þriggja gullverðlauna á Ólympíuleikum, var gagnrýnd fyrir leikana í London fyrir að virka þrekvaxnari en á leikunum í Peking fyrir fjórum árum. „Ég skammast mín fyrir að ástralskir fjölmiðlar hjóla í Leisel, einn sigursælasta Ólympíufara Ástrala frá upphafi. Styðjið við íþróttafólk en ekki draga úr því þróttinn," skrifaði Melanie Schlanger landi Jones og sundkona. Flýtur um í lauginni eins og flóðhesturVonarstjarna Breta Rebecca Adlington, tvöfaldur Ólympíumeistari í Peking árið 2008 sem vann til tveggja bronsverðlauna í London, sagðist í aðdraganda leikanna ekki ætla að skoða Twitter-ummæli á meðan á leikunum stæði. Ástæðan var sú að svo mörg ummælanna væru særandi athugasemdir um útlit hennar. Á augabragði fann undirritaður eftirfarandi ummæli frá ýmsum Twitter-notendum sem var snarað yfir á íslensku. „Feita Adlington, flýtur um í lauginni eins og flóðhestur" „Hefðir þú ekki verið svona feit hefðir þú unnið." „Í viðtölum minnir Rebecca Adlington mig á feitu ljóshærðu stelpuna sem varð í síðasta sæti í sjónvarpsþættinum Take Me Out" Ummæli sem þessi eru að sjálfsögðu og sem betur fer ekki algeng en gefa mögulega hugmynd um hvers konar gagnrýni og leiðindi Adlington vissi að biðu hennar fylgdist hún með Twitter á meðan á leikunum stæði. "Á að heita að þetta fólk sé að styðja okkur“Meira að segja breska fjölþrautarkonan, Jessica Ennis, fékk sinn skerf af gagnrýni ef marka má orð þjálfara hennar í aðdraganda leikanna. Að sögn Toni Minichiello, þjálfara Ennis, hélt ónafngreindur háttsettur embættismaður innan breska frjálsíþróttasambandsins því fram að Ennis væri feit og hefði „of mikla þyngd að bera" til að ná árangri á leikunum. Ennis átti ekki í vandræðum með að hrista þá gagnrýni af sér. „Það er fyndið að heyra þetta en það skiptir mig engu máli," var haft eftir Ennis í Daily Mail. Ennis gerði sér lítið fyrir og vann til gullverðlauna í sjöþraut á Ólympíuleikunum á laugardag. Liðsfélagi hennar í frjálsíþróttaliði Breta, Louise Hazel, segist einnig hafa fengið sinn skerf af gagnrýni frá aðilum innan frjálsíþróttasambandsins. „Ég hef fengið gagnrýnina frá fyrstu hendi, einnig frá fólki innan frjálsíþróttasambandsins sem á að heita að sé að styðja okkur. Að mínu mati er sum gagnrýnin til háborinnar skammar," sagði Hazel við Guardian. Brasilísku stelpurnar í þyngri kantinumMeira að segja margverðlaunað knattspyrnulið Brasilíu í kvennaflokki fékk að heyra það frá landsliðsþjálfara Kamerún eftir 5-0 sigur þeirra brasilísku í knattspyrnukeppni Ólympíuleikanna. „Brasilía þarf að bæta varnarleik sinn auk þess sem leikmenn liðsins virka í þyngri kantinum í mínum augum. Það gæti reynst þeim vandamál," voru orðin sem hann notaði til að lýsa hinu sigursæla liði Brasilíu í kvennaknattspyrnu. Fjölmargir pistlahöfundar, fréttamenn og íþróttaáhugafólk hafa svarað gagnrýni á borð við þá sem fjallað hefur verið um hér að ofan fullum hálsi. Zoe Smith, sem keppir fyrir hönd Breta í ólympískum lyftingum, hlaut mikið lof fyrir svör sín við sleggjudóma á samskiptasíðum þess efnis að hún liti ýmist út fyrir að vera samkynhneigð eða karlkyns. „Við lyftum ekki í þeim tilgangi að vera kynþokkafullar," sagði hin 18 ára Smith sem setti nýtt breskt met á leikunum í 58 kg flokki í ólympískum lyftingum. „Við, eins og allar konur með snefil af sjálfsvirðingu, viljum að mennirnir okkar hafi nógu mikið sjálfstraust til að finna ekki til minnimáttarkenndar vegna þess að við erum ekki aumar eða veiklulegar," sagði Smith og hefur verið hrósað í breskum fjölmiðlum. Áherslan á að vera mjó frekar en að vera í góðu formiThe Women's Sport and Fitness Foundation, Íþróttasamtök í Bretlandi sem miða að því að fjölga breskum kveníþróttaiðkendum, segja aðeins tólf prósent 14 ára breskra stelpna stunda nægilega mikla líkamsrækt. Framkvæmdastjóri samtakanna, Sue Tibballs, segir að rannsóknir bendi til að neikvæð ímynd kvenna um líkama sinn séu stöðug hindrun þess að stelpur stundi ekki líkamsrækt. Áherslan er umfram allt á að vera mjó en ekki í formi. „Kveníþróttafólk fær reglulega athugasemdir um útlit sitt sem karlpeningurinn er laus við," er haft eftir Tibballs. Hún telur pressuna á íþróttakonurnar aukast verulega af þessum sökum en þær eigi margar hverjar þegar við vandamál að stríða vegna áherslu á mataræði í leið þeirra á toppinn. Breska fjölþrautarkonan Hollie Avil, sem keppti á leikunum í Peking árið 2008, hætti keppni í afreksíþróttum í maí síðastliðnum heilsu sinnar vegna. Hún hafði þá glímt við ítrekuð átröskunarvandamál sem mátti, að minnsta kosti að hluta, rekja til reglulegra skilaboða frá þjálfara hennar að hún væri of feit. Myndir af íþróttakonunum sem minnst er á í umfjölluninni má sjá fyrir neðan myndina af Söru Robles. Fótbolti Frjálsar íþróttir Sund Mest lesið Drykkjulæti trufluðu leik á Wimbledon Sport Frá Midtjylland til Newcastle Fótbolti Heimir mjög ósáttur við dómarann: „Þetta er bara dýfa“ Sport Dreymdi um dans og söng inni í klefa: „Erfitt að koma í orð hvernig manni líður“ Fótbolti Þóttist vera með krabbamein með iPhone snúru upp í nefinu Sport Féllu á lyfjaprófi vegna gúmmíkurls í gervigrasinu Fótbolti Elanga að ganga til liðs við Newcastle Fótbolti Szczesny ekki hættur enn Fótbolti Vörn Grindavíkur áfram hriplek Fótbolti Endurkomujafntefli heldur Portúgölum á lífi Fótbolti Fleiri fréttir Drykkjulæti trufluðu leik á Wimbledon Frá Midtjylland til Newcastle Dreymdi um dans og söng inni í klefa: „Erfitt að koma í orð hvernig manni líður“ Heimir mjög ósáttur við dómarann: „Þetta er bara dýfa“ Vörn Grindavíkur áfram hriplek Endurkomujafntefli heldur Portúgölum á lífi Elanga að ganga til liðs við Newcastle Szczesny ekki hættur enn Tyrese Haliburton missir af öllu næsta tímabili Uppgjörið: FH - Stjarnan 1-1 | Jafntefli vonbrigði fyrir alla Heimsmeistararnir í ham gegn Belgíu Ellefu reiðhjólum stolið frá Cofidis liðinu 47 ára boxhetja snýr aftur í hnefaleikahringinn Segir Arsenal vera að fá til sín „heila framtíðarinnar“ Heppni hafi skilað sigri á „of árásargjörnum Íslendingum“ Kláraði sjötíu pylsur á tíu mínútum Blikarnir í beinni frá Albaníu Miðasala FIFA gagnrýnd: Einn borgar 60 þúsund en annar 1.300 fyrir eins miða Mun taka stöðuna með fólkinu sem ræður hjá KSÍ Ungur Njarðvíkingur fékk hjálp frá systur sinni til að heiðra minningu Jota Finna stuðning hver hjá annarri: „Fólki má bara finnast það sem það vill“ KR semur við ungan bandarískan framherja Sveindísi var enginn greiði gerður Aron ráðinn til FH Ísold vann veðmálið örugglega og sendi Aron út í sjó Landsliðskonurnar neita að æfa Heitt undir Þorsteini: Þetta eru enn ein vonbrigðin núna Sjáðu Hallgrím Mar klára KR-ingana á fjórum mínútum Þarf að gefa frá sér sætið sitt á heimsleikunum í CrossFit Þrettán ára Íslendingur í Noregi stefnir á Formúlu 1 Sjá meira
Holley Mangold, keppandi í ólympískum lyftingum, er þyngsti kvenkeppandinn á Ólympíuleikunum í London. Mangold er 157 kg að þyngd og hefur glímt við gagnrýni um að svo þung kona geti varla talist afrekskona í íþróttum. Mangold, sem keppti í +75 kg flokki í ólympískum lyftingum, er ein fjölmargra kvenkyns ólympíufara sem hafa sætt gagnrýni úr ýmsum áttum fyrir að vera of þungar. Auk Mangold hafa sundkonurnar Rebecca Adlington og Leisel Jones, leikmenn kvennalandsliðs Brasilíu í knattspyrnu og meira að segja fjölþrautarkonurnar Jessica Ennis og Louise Hazel þurft að hlusta á fullyrðingar þess efnis að þær væru of þungar eða einfaldlega feitar. „Ég tel mig og liðsfélaga minn (Sarah Robles) hafa sýnt að íþróttafólk getur verið af öllum stærðum," segir hin 22 ára gamla Mangold í samtali við Reuters-fréttastofuna. Mangold, sem hafnaði í 10. sæti af 14 keppendum í þyngdarflokki sínum, segist stolt af þyngd sinni. Ólympíuleikar kvennaÓlympíuleikarnir í London hafa verið titlaðir „Leikar kvenna" enda kepptu konur í öllum íþróttagreinum leikanna í fyrsta skipti. Þá var þátttakendum í blakkeppni kvenna í fyrsta skipti gefin kostur á að klæðast öðru en bikiní. Því skýtur nokkuð skökku við að fremstu konur leikanna, jafnvel verðlaunahafar á leikunum, þurfi að hlýða á umræðu um holdarfar sitt. Ástralska sundkonan Leisel Jones, sem unnið hefur til þriggja gullverðlauna á Ólympíuleikum, var gagnrýnd fyrir leikana í London fyrir að virka þrekvaxnari en á leikunum í Peking fyrir fjórum árum. „Ég skammast mín fyrir að ástralskir fjölmiðlar hjóla í Leisel, einn sigursælasta Ólympíufara Ástrala frá upphafi. Styðjið við íþróttafólk en ekki draga úr því þróttinn," skrifaði Melanie Schlanger landi Jones og sundkona. Flýtur um í lauginni eins og flóðhesturVonarstjarna Breta Rebecca Adlington, tvöfaldur Ólympíumeistari í Peking árið 2008 sem vann til tveggja bronsverðlauna í London, sagðist í aðdraganda leikanna ekki ætla að skoða Twitter-ummæli á meðan á leikunum stæði. Ástæðan var sú að svo mörg ummælanna væru særandi athugasemdir um útlit hennar. Á augabragði fann undirritaður eftirfarandi ummæli frá ýmsum Twitter-notendum sem var snarað yfir á íslensku. „Feita Adlington, flýtur um í lauginni eins og flóðhestur" „Hefðir þú ekki verið svona feit hefðir þú unnið." „Í viðtölum minnir Rebecca Adlington mig á feitu ljóshærðu stelpuna sem varð í síðasta sæti í sjónvarpsþættinum Take Me Out" Ummæli sem þessi eru að sjálfsögðu og sem betur fer ekki algeng en gefa mögulega hugmynd um hvers konar gagnrýni og leiðindi Adlington vissi að biðu hennar fylgdist hún með Twitter á meðan á leikunum stæði. "Á að heita að þetta fólk sé að styðja okkur“Meira að segja breska fjölþrautarkonan, Jessica Ennis, fékk sinn skerf af gagnrýni ef marka má orð þjálfara hennar í aðdraganda leikanna. Að sögn Toni Minichiello, þjálfara Ennis, hélt ónafngreindur háttsettur embættismaður innan breska frjálsíþróttasambandsins því fram að Ennis væri feit og hefði „of mikla þyngd að bera" til að ná árangri á leikunum. Ennis átti ekki í vandræðum með að hrista þá gagnrýni af sér. „Það er fyndið að heyra þetta en það skiptir mig engu máli," var haft eftir Ennis í Daily Mail. Ennis gerði sér lítið fyrir og vann til gullverðlauna í sjöþraut á Ólympíuleikunum á laugardag. Liðsfélagi hennar í frjálsíþróttaliði Breta, Louise Hazel, segist einnig hafa fengið sinn skerf af gagnrýni frá aðilum innan frjálsíþróttasambandsins. „Ég hef fengið gagnrýnina frá fyrstu hendi, einnig frá fólki innan frjálsíþróttasambandsins sem á að heita að sé að styðja okkur. Að mínu mati er sum gagnrýnin til háborinnar skammar," sagði Hazel við Guardian. Brasilísku stelpurnar í þyngri kantinumMeira að segja margverðlaunað knattspyrnulið Brasilíu í kvennaflokki fékk að heyra það frá landsliðsþjálfara Kamerún eftir 5-0 sigur þeirra brasilísku í knattspyrnukeppni Ólympíuleikanna. „Brasilía þarf að bæta varnarleik sinn auk þess sem leikmenn liðsins virka í þyngri kantinum í mínum augum. Það gæti reynst þeim vandamál," voru orðin sem hann notaði til að lýsa hinu sigursæla liði Brasilíu í kvennaknattspyrnu. Fjölmargir pistlahöfundar, fréttamenn og íþróttaáhugafólk hafa svarað gagnrýni á borð við þá sem fjallað hefur verið um hér að ofan fullum hálsi. Zoe Smith, sem keppir fyrir hönd Breta í ólympískum lyftingum, hlaut mikið lof fyrir svör sín við sleggjudóma á samskiptasíðum þess efnis að hún liti ýmist út fyrir að vera samkynhneigð eða karlkyns. „Við lyftum ekki í þeim tilgangi að vera kynþokkafullar," sagði hin 18 ára Smith sem setti nýtt breskt met á leikunum í 58 kg flokki í ólympískum lyftingum. „Við, eins og allar konur með snefil af sjálfsvirðingu, viljum að mennirnir okkar hafi nógu mikið sjálfstraust til að finna ekki til minnimáttarkenndar vegna þess að við erum ekki aumar eða veiklulegar," sagði Smith og hefur verið hrósað í breskum fjölmiðlum. Áherslan á að vera mjó frekar en að vera í góðu formiThe Women's Sport and Fitness Foundation, Íþróttasamtök í Bretlandi sem miða að því að fjölga breskum kveníþróttaiðkendum, segja aðeins tólf prósent 14 ára breskra stelpna stunda nægilega mikla líkamsrækt. Framkvæmdastjóri samtakanna, Sue Tibballs, segir að rannsóknir bendi til að neikvæð ímynd kvenna um líkama sinn séu stöðug hindrun þess að stelpur stundi ekki líkamsrækt. Áherslan er umfram allt á að vera mjó en ekki í formi. „Kveníþróttafólk fær reglulega athugasemdir um útlit sitt sem karlpeningurinn er laus við," er haft eftir Tibballs. Hún telur pressuna á íþróttakonurnar aukast verulega af þessum sökum en þær eigi margar hverjar þegar við vandamál að stríða vegna áherslu á mataræði í leið þeirra á toppinn. Breska fjölþrautarkonan Hollie Avil, sem keppti á leikunum í Peking árið 2008, hætti keppni í afreksíþróttum í maí síðastliðnum heilsu sinnar vegna. Hún hafði þá glímt við ítrekuð átröskunarvandamál sem mátti, að minnsta kosti að hluta, rekja til reglulegra skilaboða frá þjálfara hennar að hún væri of feit. Myndir af íþróttakonunum sem minnst er á í umfjölluninni má sjá fyrir neðan myndina af Söru Robles.
Fótbolti Frjálsar íþróttir Sund Mest lesið Drykkjulæti trufluðu leik á Wimbledon Sport Frá Midtjylland til Newcastle Fótbolti Heimir mjög ósáttur við dómarann: „Þetta er bara dýfa“ Sport Dreymdi um dans og söng inni í klefa: „Erfitt að koma í orð hvernig manni líður“ Fótbolti Þóttist vera með krabbamein með iPhone snúru upp í nefinu Sport Féllu á lyfjaprófi vegna gúmmíkurls í gervigrasinu Fótbolti Elanga að ganga til liðs við Newcastle Fótbolti Szczesny ekki hættur enn Fótbolti Vörn Grindavíkur áfram hriplek Fótbolti Endurkomujafntefli heldur Portúgölum á lífi Fótbolti Fleiri fréttir Drykkjulæti trufluðu leik á Wimbledon Frá Midtjylland til Newcastle Dreymdi um dans og söng inni í klefa: „Erfitt að koma í orð hvernig manni líður“ Heimir mjög ósáttur við dómarann: „Þetta er bara dýfa“ Vörn Grindavíkur áfram hriplek Endurkomujafntefli heldur Portúgölum á lífi Elanga að ganga til liðs við Newcastle Szczesny ekki hættur enn Tyrese Haliburton missir af öllu næsta tímabili Uppgjörið: FH - Stjarnan 1-1 | Jafntefli vonbrigði fyrir alla Heimsmeistararnir í ham gegn Belgíu Ellefu reiðhjólum stolið frá Cofidis liðinu 47 ára boxhetja snýr aftur í hnefaleikahringinn Segir Arsenal vera að fá til sín „heila framtíðarinnar“ Heppni hafi skilað sigri á „of árásargjörnum Íslendingum“ Kláraði sjötíu pylsur á tíu mínútum Blikarnir í beinni frá Albaníu Miðasala FIFA gagnrýnd: Einn borgar 60 þúsund en annar 1.300 fyrir eins miða Mun taka stöðuna með fólkinu sem ræður hjá KSÍ Ungur Njarðvíkingur fékk hjálp frá systur sinni til að heiðra minningu Jota Finna stuðning hver hjá annarri: „Fólki má bara finnast það sem það vill“ KR semur við ungan bandarískan framherja Sveindísi var enginn greiði gerður Aron ráðinn til FH Ísold vann veðmálið örugglega og sendi Aron út í sjó Landsliðskonurnar neita að æfa Heitt undir Þorsteini: Þetta eru enn ein vonbrigðin núna Sjáðu Hallgrím Mar klára KR-ingana á fjórum mínútum Þarf að gefa frá sér sætið sitt á heimsleikunum í CrossFit Þrettán ára Íslendingur í Noregi stefnir á Formúlu 1 Sjá meira