Flacco fór til Letterman og í Disney World

Það er mikið að gera hjá verðmætasta leikmanni Super Bowl-leiksins, Joe Flacco, en hann fór á kostum í leikstjórnandastöðunni er Baltimore Ravens lagði San Francisco 49ers í úrslitaleiknum.

Flacco er búinn að fara í Disney World þar sem hann sat við hliðina á Mikka mús í skrúðgöngu. Hann fór síðan í viðtal hjá David Letterman.

Flacco afþakkaði boð um nýjan samning hjá Ravens fyrir tímabilið en líklegt er að farið verði að ræða nýjan samning fljótlega.

Leikmaðurinn segist vera opinn fyrir því að spila áfram með Ravens.