Isinbayeva ekki hrifin af samkynhneigðum

Heimsmeistarinn í stangarstökki, Yelena Isinbayeva, segist styðja umdeildar aðgerðir rússneskra stjórnvalda. Það er nú ólöglegt að gefa fólki undir 18 ára aldri í Rússlandi upplýsingar um samkynhneigð.

Þessi aðgerð hefur verið fordæmd víða um heim og vilja margir að Vetrarólympíuleikarnar á næsta ári verði teknir af Rússum.

Nokkrir íþróttamenn á HM í frjálsum íþróttum, sem fram fer í Moskvu, hafa komið mótmælum sínum á framfæri. Til að mynda með því að lakka á sér neglurnar í regnbogalitunum.

"Við óttumst um framtíð þjóðarinnar því við teljum okkur vera eðlilegt fólk. Hér eru menn með konum og konur með mönnum," sagði Isinbayeva sem lagði stöngina á hilluna eftir að hafa tryggt sér heimsmeistaratitilinn í byrjun vikunnar.

"Hér verður allt að vera í lagi. Samkynhneigð hefur aldrei verið vandamál í Rússlandi og við viljum ekki lenda í slíkum vandamálum í framtíðinni."